Кара–Сал, Эрес Доржу Оглу

«Тыва Республиканың Кучутен Мөгези», Россия болгаш Делегей чергелиг сумо хүрештиң тиилекчизи база шаңналдыг черлерниң эдилекчизи.

Тренерлери

Баштайгы тренер башкызы "Тываның Арзылаң мөгези" Моңгуш, Амир Өлзей-оол-оглу.

Хостуг-хүрешке башкызы - Түлүш, Владимир Хуурак-оглу.

Сумо хүреш башкылары: Куулар, Каң-Демир Каң-оол-оглу, Куулар, Адар Начын-оглу.

Дурт-сыны

Узуну: 1м. 85 см.

Деңзизи: 112 кил.

Хууда чуртталгазы

Өг - бүле байдалы: өг - бүлелиг, чаңгыс оолдуг.

Чурттап турар чери: Кызыл хоорай

Хобби

Сонуургалы (хобби): Хол – бөмбүү (волейбол), аът чарыжы.

Ынак спортсмени: йокодзуна АСАШЕРИ (сумо).

Ынак чеми: манты - бууза.

Эртеми: Моолдуң «Олимп» аттыг дээди өөредилге чери.

Күзели: “Күчүтен мөге” деп атка чедир хүрежир сорулгалыг.

Чаан мөге

Чаан мөгениң чедиишкиннери:

7 харлыында хүрежип эгелээн, июнь 1 - де уруглар хүнүнде 128 бичии мөге салган ам болза "Тываның начын мөгези" Моңгуш Начынны ынчан октааш, шүүлген.

2009 ч. Сүт-Хөл, Наадымга шүүлгеш «Тываның Арзылаң мөгези» атты чаалап алган.

Сумо хүрешке Россияның аныяктар аразынга 2 дакпыр тиилекчизи, 3 катап шаңналдыг черже кирген.

Сумо хүрешке Европа диптиң аныяктар аразынга тиилекчизи.

Сумо хүрешке Россияның чемпионадынга шаңналдыг черже кирген.

Сумо хүрешке Европа диптиң чемпионадынга шаңналче киир хүрешкен.

Моолга Говь-Сүмбер аймак, 18 харга чедир 242 мөгелер аразынга долгандырыг хүрешке 8-ки черни алган. Хүреш 3 хонук улаштыр болган.

Моолга Университетке 256 мөгелер хүрежинге 4 мөгеже киир хүрешкен.

Өөренип турган бөлүүнге шүглүп турган.

2008 ч. Тывада бир-ле дугаар мөге «Каа-Хемден (15 соток) участок чер» шаңналдың эдилекчизи.

2009 ч. Чеди-Хөл кожуунунга, Ак-Тал суурга Тывада бир - ле дугаар шүүлген мөге даштыкы “Тойота” маркалыг автомашина шаңналдыг хүрешке Тываның Күчүтен мөгези Аяс Моңгушту октааш, шаңнал кылдыр алган.

“Алдан-Маадырларның тура халыышкынындан бээр 125 чыл оюнга тураскааткан хүрешке шүүлген.

2014ч. Тываның Наадым-2014 Хүрежинге үжүүрлешкен. Түлүш Сайын-Белек шүүлген.

Спортчу аттары:

Хостуг-хүрешке «Россияның спорт мастери».
Сумо хүрешке «Россияның спорт мастери» (Сумо хүрешке «Делегей чергелиг спорт мастерин күүсеткен» шынзыдылгазын манап турар).
Тыва хурештиң "Чаан мөгези".

Дөзү

Вконтакте. Бөлгүм "Төрээн черим"
http://molsporttuva.ru/ - Аныяктар болгаш спорт яамызы Archived 2021-04-23 at the Wayback Machine

This article uses material from the Wikipedia Тыва article Кара–Сал, Эрес Доржу оглу, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Контент CC BY-SA 4.0 лицензия аайы-биле (өскези айыттынмаан болза) ажык. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тыва (DUHOCTRUNGQUOC.VN) is an independent company and has no affiliation with Wiki Foundation.