Мәчет, Ижау Иман Нуры
Ижауның «Иман нуры» мәчете (рус. Ижевская мечеть «Иман нуры») – Удмуртия башкаласы Ижау шәһәренең Устинов районында урнашкан ислам гыйбадәтханәсе (мәчет).
Россия мөселманнарының Үзәк Диния нәзарәте составындагы Удмуртия мөселманнарының төбәк Диния нәзарәте карамагында.
| Мәчет | |
.jpg) | |
| Ил | Россия |
| Шәһәр | 426065,  Удмуртия,.svg){kind=small} Ижау, Петров ур., 53 |
| Координатлары | 56°52′01″, 53°17′38″ |
| Дин | Ислам |
| Мәхәллә | УРМ ТДН / «Нур ислам мәчете» мәхәлләсе җирле ислам оешмасы |
| Кайсы дини агымга карый | сөнни ислам / хәнәфи мәзһәбе |
| Бина төре | манарасы түбәдә урнашкан мәчет |
| Төзелеш еллары | 2006—2009 еллар |
| Төп даталар: 2006 ел ― төзелеш башлану 2009 ел ― төзелеш тәмамлану 2012 ел ― файдалануга рөхсәт алыну | |
| Халәте | гамәлдә |
| Сайт | Рәсми сайт |
Тарих
-2.jpg)
Мәчет тарихы 1996 елда, Ижауда беренче тапкыр, Ижау җәмигъ мәчетен Ленин районында төзеп тапшырганнан соң, яңа мәчет төзү мөмкинлеге турында сөйләшкәндә башлана, чөнки җәмигъ мәчетенең зур бинасы да дини бәйрәмнәр көннәрендә бөтен кешене сыйдырып бетерә алмый. Устинов районындагы җир участогы 2001 елда бүлеп бирелгән, мәчет төзелеше 2006 елның 5 сентябрендә башланган. 2008 елның 5 сентябрендә түбәдә ярымайлы манараны урнаштыралар. Төзелеш эшләре 2009 елда тәмамланса да, бинаны файдалануга тапшыру рөхсәте 2012 елның апрелендә генә алынган.
Мәчет төзелеше 18 млн. сумга төшкән. Акчаның 2 млн сумы — физик һәм юридик затлардан иганә хисабына һәм Удмурт Республикасы Президенты А. А. Волковның махсус хәйрия фондыннан алынган. Калган акчаны Ижауның бер шәхси предприятиесе биргән. Мәчет тирәсен төзекләндерү эшләре тагын 100 мең сумга төшкән. Төзелеш эшләрендә «Россия Махсус төзелеше» каршындагы «8нче ГУССТ» ФДУП катнашкан.
Мәчетне төзүгә якын-тирәдә яшәүче өлкән яшьтәге ханымнар зур өлеш керткән, аларны, шаяртып, «Устинов әбиләре» дип атыйлар, алар төзелеш өчен мәйдан табуда, Ижау мөфтиятеннән, татарларның милли-мәдәни берләшмәсеннән теләктәшлек алуда, хәйриячеләр табуда зур эшләр башкара алган.
Мәчетне ачу тантанасы 2012 елның 14 июнендә була. Анда Удмуртия хөкүмәте рәисенең беренче урынбасары Илдар Бикбулатов (мәчеткә яңа келәм бүләк иткән), Ижау һәм Удмуртия җитәкчелеге вәкилләре, милли-мәдәни оешмалар вәкилләре катнашкан. Удмуртия Президенты котлау телеграммасын юллаган, анда мәчетне төзешкән хатын-кызлар хөрмәтенә «Әниләр мәчете» символик исемен саклап калырга тәкъдим иткән.
Мәчет 120 кеше сыйдыра. Җомга намазына 150дән артык ир-ат килә.
- Мәчетнең беренче имам-хатыйбы – Равил хәзрәт Газизов.
- Имам: Илнур хәзрәт Закиров.
Искәрмәләр
Сылтамалар
- Виталий Ладыгин (2012-06-14). В Ижевске официально открыли вторую мечеть. Izhlife.ru. әлеге чыганактан 2013-07-06 архивланды. 2013-05-19 тикшерелгән.
- Фото и видео: Торжественное открытие мечети «Иман нуры» состоялось в Ижевске. Известия Удмуртской Республики (2012-06-14). әлеге чыганактан 2016-03-04 архивланды. 2013-05-19 тикшерелгән.
- В Ижевске откроют «Иман Нуры». InfoIslam (2012-06-13). әлеге чыганактан 2013-05-23 архивланды. 2013-05-19 тикшерелгән.
- Архивы мечети Иман нуры. Региональное Духовное Управление Мусульман Удмуртии в составе Центрального духовного управления мусульман России г. Ижевск
Моны да карагыз
This article uses material from the Wikipedia Tatarça / Татарча article Иман нуры (мәчет, Ижау), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.