Җәүдәт Миннәхмәтов
Җәүдәт Мидхәт улы Миннәхмәтов (1955 елның 23 июне, Тимершык, Саба районы, Татарстан АССР, РСФСР, ССРБ) — Россия хуҗалык һәм җәмәгать эшлеклесе.
«Татарстан Республикасының газлаштыру, энергияне сак тоту технологияләре һәм инженерлык челтәрләрен үстерү фонды» ДКУ генераль директоры. Халыкара класслы спорт остасы, Татарстан Республикасының атказанган төзүчесе (2016).
| Җәүдәт Миннәхмәтов | |
|---|---|
 | |
| Туган | 23 июнь 1955 (68 яшь) Тимершык, Саба районы, Татарстан АССР, РСФСР, СССР |
| Һөнәре | эшкуар |
Тормыш юлы
Җәүдәт Миннәхмәтов 1955 елның 23 июнендә Татарстан АССРның Саба районы Тимершык авылында күп балалы гаиләдә туа. Әтисе — Мидхәт — авыл советы секретаре, иминият агенты; әнисе — Шәмсүнә. 1974—1985 елларда студентлар төзелеш отрядларында эшли, төзелеш бригадаларын җитәкли.
1978 елда «галим-ветеринария табибы» белгечлеге буенча Казан дәүләт ветеринария институтын, 1998 елда «финанслар һәм кредит» белгечлеге буенча Мәскәү кулланучылар кооперациясе университетын тәмамлый.
1979—1986 елларда Казан шәһәренең җәмәгать туклануы идарәсе системасында эшли. 1986 елдан 1990 елга кадәр «Казан» ресторанын җитәкли.
1990—1996 елларда — Арча район кулланучылар җәмгыяте идарәсе рәисе, халык депутатларының район Советы депутаты.
1996—1998 елларда — Биектау районы администрациясе башлыгы, Татарстан Республикасы Дәүләт Советы депутаты
1998 елның июленнән «Татарстан Республикасының газлаштыру, энергия саклаучы технологияләр һәм инженерлык челтәрләрен үстерү фонды» ДКУ генераль директоры. 2001 елда өлкән улы Ирек Миннәхмәтов белән бергә Татарстанда «Казан даруханәләре» даруханәләре челтәре төзи.
2006 елдан «Россия Көрәш федерациясе» гомумроссия иҗтимагый оешмасын җитәкли.
Гаилә
1979 елда өйләнгән. Хатыны Фәридә белән бергә өч бала үстерә.
Улы — Ирек (1980—2020), «Татспиртпром» АҖ генераль директоры, эшмәкәр, спортчы. Россиянең спорт остасы.
Кызы — Лилия (1987), эшмәкәр.
Улы — Радик (1988), «Казан-Арена» АҖ генераль директоры, спортчы. Россиянең спорт остасы.
Бүләкләр
- 2003 — Татарстан Республикасы Финанс Министрлыгының Рәхмәт хаты — Татарстан Республикасы финанс системасында намуслы һәм мактауга лаек хезмәте өчен.
- 2005 — «Казанның 1000 еллыгы истәлегенә» медале;
- 2015 — «Фидакарь хезмәт өчен» медале;
- 2016 — «Татарстан Республикасының Атказанган төзүчесе» мактаулы исеме
Искәрмәләр
This article uses material from the Wikipedia Tatarça / Татарча article Җәүдәт Миннәхмәтов, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.