Phiyug sapah ka Truku sbiyaw o ini smhmut musa plealu phiyugan sapah, kiya o asi ka saan bi plealay tkeuruy han, Saw aji daun sunu ni rngsux , ini tduwa phigan sapah o siyaw yayung ni siyaw ayug, malu bi phigan sapah o mhiyang dgiyaq ni mspngpung dgiyaq, deedaan dha gmraka eiyah pais.
Kiya ni nasi hmjiyal ka malu smlaan sapah do o musa kmaalu pbiyi hiya ni mtaqi hiya yaa bi mkdha rabi ppsmiyah spi, qmita malu spi do mangal 3 btunux ni phigun na prqda. Knkla kndsan Truku ka rqda o asi ka 3 btunux, rahuq na hi o ungat, nii o nirih saw pnspuan tama, bubu ni laqi, kika paah ska rqda ka ranaq pnsblaiq mggealu msa ka kari rudan Truku,Babaw na nii tnsapah o mlawa dlutut mdayaw smmalu sapah ni kmeaguh msapuh miyah mseupu smapuh smlaan sapah, siida msapuh o gmdara rudux ni plaqan na dara ka rqda ni qngqaya djiyun smmalu sapah ni rmngaw ,“Utux mcinun hini ka snruwa su phigan sapah, saw mha tpusu ni tgblaiq meudus hini ka laqi su, iya yahi kmrasa ka kndsan dha wah! Brahaw su balay, nasi su yahan kmrasa do o aji empskila hini ka lqlaqi da, sus Bari”msa.Babaw smnapuh do musa maduk ka dsnaw ni uqun dha miyah mqaras smlaan sapah, meuyas ni rmgrig
This article uses material from the Wikipedia Taroko article Ptgaya Phiyug Sapah, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rahuq nan ii o niqan kingal duri pgkla, aji saw kiya do ruwan ruwahan patas dmuuy kana CC BY-SA 4.0 gaya mgay biyax kklawa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taroko (DUHOCTRUNGQUOC.VN) is an independent company and has no affiliation with Wiki Foundation.