Neo Jane Masisi o itseging gape ka leina la Mma Atsile ke mosadi wa ga tautona wa lefatshe la Botswana rre Mokgweetsi Masisi.
Neo Masisi | |
---|---|
First Lady of Botswana | |
Incumbent | |
Assumed office 1 April 2018 | |
President | Mokgweetsi Masisi |
Pele Ga Gagwe | Barbara Mogae (2008) |
Ka Ga Ena | |
O tsetswe | Neo Jane Masisi 1971 or 1972 (age 51–52) |
Mo/Bakapelo | Mokgweetsi Masisi |
Bana | 1 |
Tiro | Accountant |
Neo Jane Masisi o tshotswe ka ngwaga wa 1971 kwa Francistown, ngwana wa ntlha mo go ba barataro ba ga Baruki le Irene Maswabi. Batsadi ba gagwe botlhe e ne e le dialogane tsa mmadikolo. O godile a bo a tsena sekolo kwa Gaborone kwa batsadi ba gagwe ba neng ba berekela teng.
O ne a tsena mo nyalong e e boitshepo le Mokgweetsi Masisi ka ngwaga wa 2002. Ba segofaditswe ka ngwana wa mosetsana, Atsile Masisi.
Masisi ke acountente. O ithutetse Diacounte ko Accountancy Training Centre ya Debswana Diamond Company kwa a neng a tsaya boloko jwa Chartered Institute of Management Accountants. Go tloga ka ngwaga wa 2001 to 2004 o ne a ya go tsweledisa dithuto tsa gagwe kwa De Montfort University kwa England, kwa a ileng a tsaya digarata tsa MBA.
Mo ngwageng wa 2019 Mohumagadi wa ga Tautona Neo Masisi o ne a nna mongwe wa batlhophiwa ba Fellow Chartered Management Accountant ke CIMA President Rre Steven Swientozielskyj mo Gaborone. Mo ngwageng wa 2004 a nna leloko la United Nations, a berekela kwa diofising tse dikgolo tse di okametseng UN kwa toropo kgolo ya New York le kwa United Nations Economic Commission for Africa kwa Addis Ababa. O ne a berekela gape UN kwa Central African Republic.
Mo ngwageng wa 2017 Masisi o ne a boela kwa New York go ya go bereka mo Umoja, eleng maranyane a Enterprise Resource Planning a a tla bon a dirisiwa ke makalana a United Nations lefatshe ka bophara.
O ne a tlogela go berekela lekalana la United Nations ka 2018 fa monna wa gagwe a nna Tautona wa lefatshe la Botswana.
Jaaka mohumagadi wa ga tautona tiro ya gagwe ke go tsenelela meletlo. Mohumagadi wa ga Tautona, Masisi o itebagantse le dikgang tse di amang bana le go ema basadi nokeng.
Ka ngwaga wa 2018 o ne a semolodisa semmuso lekgotla la Eseng mo Ngwaneng le le gasang molaetsa kgatlhanong le go dirisa bana botlhatswa mo go tsa tlhakanelo dikobo le rotloediwa ke UNICEF.
This article uses material from the Wikipedia Setswana article Neo Masisi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Tshedimosetso e teng ka fa tlase ga CC BY-SA 4.0 ntle le fa go supilwe ka tsela e nngwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Setswana (DUHOCTRUNGQUOC.VN) is an independent company and has no affiliation with Wiki Foundation.