Ang Mula sa bawat isa ayon sa kaniyang kakayahan, para sa bawat isa ayon sa kaniyang pangangailangan (Pranses: De chacun selon ses facultés, à chacun selon ses besoins; Aleman: Jeder nach seinen Fähigkeiten, jedem nach seinen Bedürfnissen) ay isang katagang unang ginamit ni Louis Blanc noong 1851 (bagaman ang isang nauna pang bersiyon ng kataga ay lumabas sa The Code of Nature ni Étienne-Gabriel Morelly) at pinasikat pa ni Karl Marx sa kaniyang Critique of the Gotha Program noong 1875.
Sa Marxistang pananaw, mangyayari lamang ang naturang kaayusan kapag sagana ang magagawang kalakal at serbisyo ng isang maunlad na lipunang komunista. Ang ideya ay, kapag naging ganap ang pag-unlad ng sosyalismo at walang hadlang ang puwersang produktibo, magkakaroon ng kasapatan para sa pangangailangan ng lahat.
Sa Pilipinas, mayroong halos na magkatulad na pangungusap na ginagamit bilang ang pangunahing kaisipan sa pagtutulungan sa gitna ng pandemya ng Covid-19 sa pamamagitan ng mga community pantry. Nakasulat sa mga karatula at iba pang mga medya ang katagang "Magbigay ayon sa kakayahan, kumuha batay sa pangangailangan". Nangangahulugan ito na maaaring magbigay ng donasyon ang mga tao tulad ng mga pagkain, gamot, at kagamitan na kalaunan maaaring mapagkunan ng iba pa mula rito nang libre at walang bayad.
This article uses material from the Wikipedia Tagalog article Mula sa bawat isa ayon sa kaniyang kakayahan, para sa bawat isa ayon sa kaniyang pangangailangan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.