Mga Lupaing Pranses Sa Katimugan At Antartiko

Ang French Southern at Antarctic Lands (Pranses: Terres australes et antarctiques françaises o TAAF) ay isang teritoryo sa ibayong dagat (Pranses: Territoire d'outre-mer o TOM) ng Pransiya. Binubuo ito ng mga:

1. Lupaing Adelie (Terre Adélie), ang inaangkin ng Pransiya sa kontinente ng Antarctica.
2. Kapuluang Crozet (Îles Crozet), isang grupo ng mga isla sa timog ng Karagatang Indiyo, timog ng Madagascar.
3. Kapuluang Kerguelen (Archipel des Kerguelen), isang pangkat ng mga bulkang isla sa timog Karagatang Indiyo, timog-silangan ng kontinenteng Aprika .
4. Kapuluang Santo Pablo at Amsterdam, (Îles Saint Paul et Amsterdam), isang grupo ng mga pulo sa hilaga ng Kapuluang Kerguelen.
5. Kapuluang Nakakalat (Îles Éparses), isang nakakalat na kapuluan sa paligid ng baybayin ng Madagascar.

Ang teritoryo ay minsang tinutukoy bilang Mga Lupain sa Timog ng Pransiya (Pranses: Terres australes françaises) o ang Mga Timog-Teritoryo ng Pransiya ay karaniwang nagbibigay-diin sa hindi pagkilala sa soberanya ng Pransiya sa Lupaing Adelie bilang bahagi ng Sistema ng Kasunduan sa Antarctic (Antarctic Treaty System).

Ang buong teritoryo ay walang kilalang permanenteng mga naninirahan. Humigit-kumulang 150 (sa taglamig) hanggang 310 (sa tag-araw) ng mga tao ay karaniwang naroroon doon anumang oras, ngunit sila ay pangunahing binubuo ng mga tauhan ng militar, opisyal, siyentipikong mananaliksik at kawani ng suporta.

Noong ikalima ng Hulyo 2019, ang Kapuluang Crozet, ang Kapuluang Kerguelen, at ang Kapuluang Santo Pablo at Amsterdam ay minarkahan bilang UNESCO Pandaigdigang Pamanang Pook bilang "Mga Dagat at Lupain ng Pransiya sa Katimugan (French Austral Lands and Seas)" dahil sa kanilang malinis na kaparangan, saribuhay, at malaking kolonya ng mga ibon.