Мулло Эркаев

09.05.1910, деҳаи Сайроби ноҳияи Бойсуни ҶШС Ӯзбекистон — 15.12.1996, шаҳри Душанбе), - олим, муаррихи маъруфи тоҷик, доктори илмҳои таърих (1964), профессор (1964), Муаллими Хизматнишондодаи мактаби ҶШС Тоҷикистон (1964), академики Академияи педагогии ИҶШС (1967).

Соли 1929 Дорулмуаллимини шаҳри Тошканд ва соли 1939 факултети таърихи ДДОД ба номи Т. Шевченкоро хатм кардааст. Солҳои 1941–1949 лектор, мудири шуъба, ҷонишини мудири шуъбаи таблиғ ва ташвиқи КМ ҲК (б) Тоҷикистон, котиби Комитети ҳизбии вилоятҳои Душанбе ва Кӯлоб оид ба таблиғ ва ташвиқ, 1950–1975 мудири кафедраи таърихи ҲКИШ-и Донишгоҳи давлатии Тоҷикистон ба номи В. И. Ленин, буд. Солҳои 1975–1996 ҳамчун профессори кафедраи таърихи ҲКИШ-и ДДОД ба номи Т. Шевченко кор кардааст.

Муаллифи беш аз 170 китобу рисола ва мақолаҳои илмӣ ва илмию методӣ мебошад. Таълифотҳояш масъалаҳои барпо намудани ҳокимияти шӯравӣ дар Тоҷикистон, таърихи ҷанги граждани дар Тоҷикистон, торумори босмачигарӣ дар Тоҷикистон фарогиранд. Бештар аз 50 нафар олимони тоҷик зери роҳбари ӯ рисолаҳои номзадӣ ва докторӣ ҳимоя кардаанд.

• Барпо ва мустаҳкам кардани Ҳокимияти Советӣ дар Тоҷикистон, Д., 1966;
• Ҷанги гражданӣ дар Тоҷикистон, Д., 1971;
• Октябри Кабир ва азнавсозии социалию мадании деҳот, Д., 1982;
• Коммунистическая организация в Таджикистане, Д., 1976;
• Деҳқонони колхозӣ-бинокорони фаъоли сотсиализм, Д., 1976;
• Таърихи ҷанги граждани дар Тоҷикистон, Д.,1984;
• Торумори босмачигӣ дар Тоҷикистон, Д.,1985.

• Бо ордени «Байрақи Сурхи Меҳнат»,
• ду ордени «Нишони фахрӣ»,
• медал ва ифтихорномаҳои Президиуми Шӯрои Олии ҶШС Тоҷикистон мукофотонида шудааст.

• Донишгоҳи давлатии омӯзгории Тоҷикистон ба номи Садриддин Айнӣ

• Энсиклопедияи Донишгоҳи давлатии омӯзгории Тоҷикистон ба номи С. Айнӣ