Зебуннисо Рустамова
Зебинисо Рустамова (Рустамова Зебинисо Сангиновна; 29 январи1955, Душанбе, ҶШС Тоҷикистон) — ифтихори варзиши тоҷик аз рӯи тирпаронӣ аз камон, устоди дараҷаи байналхалқии варзиш, довари хизматнишондодаи Ҷумҳурии Тоҷикистон, дорандаи ҷоизаи биринҷии Бозиҳои XXI олимпӣ (17 июл — 1 августи соли 1976, Монреал).
 | |
| Иттилоъоти инфиродӣ | |
| Ҷинс | зан |
| Номи пурра | Рустамова Зебинисо Сангиновна |
| Кишвар |  Иттиҳоди Шӯравӣ,  Тоҷикистон,  Русия |
| Тахассус | Устоди хизматнишондодаи варзиши ИҶШС |
| Бошгоҳ | Ҷамъияти варзишии «Динамо» |
| Зодрӯз | 29 январ 1955 (69 сол) ё 1955 |
| Зодгоҳ | Душанбе, ҶШС Тоҷикистон |
| Қад | 156 сантиметр |
Зиндагинома
Зебинисо Сангиновна Рустамова, 29 январи соли 1955 дар шаҳри Душанбе таваллуд шудааст. Имрӯз шаҳрванди ду давлати мустақил Тоҷикистон ва Русия мебошад.
Зебинисо дар варзиш
Аз бародари худ Ҳомидҷон ва тағояш Абдуқодир Зебуниссо фаҳмид, ки дар майдони «Динамо» шуъбаи нави варзиши — тирпарони аз камон ифтитоҳ ёфтааст. Духтар қарор дод, ки қувваи худро санҷад, зеро тамошои он дар майдони футбол, ки дар он беҳтарин аз беҳтаринҳои ҷумҳури машқ мекарданд, мафтун сохта буд. Нишонаҳои равшан, ки ба он тирҳои тез мехалиданд, диққати ӯро ҷалб намуданд.
Мусобиқаҳои аввалин дар шаҳри Тула гузашта, ба рӯи Зебинисо дар варзиши калон роҳ кушод. Баҳор дар мусобиқаҳои умумииттифоқии тирпаронони ҷамъияти «Динамо», ки дар Сухуми баргузор гардид, ӯ меъёри Устоди варзиши ИҶШС-ро иҷро кард. Дар мусобиқаи мамлакат, ки дар Кишинёв аз рӯи тирпарони аз камон мегузашт, дар масофаи 50 метр Зебинисо ҷоизаи нуқраро ба даст овард, дар масофаи 70 метр бошад, дар муборизаи шадид медали тилоро соҳиб шуд. Дар Алушта ҳамаи тирҳои ӯ ба маркази доира расиданд. Дар машқи М-2 ӯ 2233 хол гирифт, шумораи холҳо аз меъёри Устоди варзиши дараҷаи байналхалқӣ болотар рафт.
Ширкат дар Бозиҳои XXI олимпӣ дар соли 1976 дар Монреал (Канада) ба ӯ ҷоизаи биринҷиро дод. Ҳоло ӯ таблиғотчии фаъоли на танҳо варзиш, балки ҳаракати олимпӣ дар Ҷумҳурии Тоҷикистон маҳсуб мегардад.
Фаъолияти корӣ
Солҳои 1986-1992 ҷонишини Раиси Кумитаи давлатии тарбияи ҷисмонӣ ва варзиши ҶШС Тоҷикистон, солҳои 1992-1995 Раиси Кумитаи давлатии тарбияи ҷисмонӣ ва варзиши Ҷумҳурии Тоҷикистон, аз соли 1992 то соли 2000 ноиб-президенти Кумитаи олимпии Ҷумҳурии Тоҷикистон шуда кор кардааст.
Адабиёт
Пайвандҳо
This article uses material from the Wikipedia Тоҷикӣ article Зебуннисо Рустамова, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Муҳтаво таҳти иҷозатномаи CC BY-SA 4.0 ва ё дигар дастрас аст. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Тоҷикӣ (DUHOCTRUNGQUOC.VN) is an independent company and has no affiliation with Wiki Foundation.