ನಿರ್ಮಲಾ ಸೀತಾರಾಮನ್

ಸೀತಾರಾಮನ್ ಹಣಕಾಸು, ಮಿನಿಸ್ಟ್ರಿ ಆಫ್ ಫೈನಾನ್ಸ್ , ವಾಣಿಜ್ಯ ಬೊಕ್ಕ ಕೈಗಾರಿಕಾ ಮಂತ್ರಿದ ಅಡಿಟ್ ಸ್ವತಂತ್ರ ಹೊಂದುದಿನ ಹಣಕಾಸು ಬೊಕ್ಕ ಕಾರ್ಪೊರೇಟ್ ವ್ಯವಹಾರದ ಸಚಿವರಾದ್ ಸೇವೆ ಸಲ್ಲಿಸಾದೇರ್. ಅಯಿಕ್ ದುಂಬು ಆರ್ ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ವಕ್ತಾರಾದ್ ಇತ್ತೆರ್.

2014 ಇಸವಿಡ್ ಬಿಜೆಪಿ ಅಧಿಕಾರಕ್ ಬನ್ನಗ ಆಂಧ್ರಪ್ರದೇಶ ರಾಜ್ಯಸಭಾ ಕ್ಷೇತ್ರೊಡು ಆಯ್ಕೆಯಾದ್ ಇತ್ತೆರ್ . ಪ್ರಸ್ತುತವಾದ್ ಆರ್ ಕರ್ನಾಟಕ ರಾಜ್ಯಸಭೆಗ್ ಚುನಾಯಿತರಾತೇರ್. ನಿರ್ಮಲಾ ಸೀತಾರಾಮನ್ ಭಾರತದ ಪುದರ್ ಪೋತಿನ ರಾಜಕಾರಣಿ, ಆರ್ ಇತ್ತೆ ಭಾರತ ದೇಶದ ಹಣಕಾಸು ಮಂತ್ರಿಯಾದ್ ಸೇವೆ ಸಲ್ಲಿಸಾವೊಂದು ಉಲ್ಲೆರ್.

ನಿರ್ಮಲಾ ಸೀತಾರಾಮನ್ ಮದುರೈಡ್ ತಮಿಳು ಐಯ್ಯಂಗಾರ್ ಕುಟುಂಬಡ್ ಜನಿಸಿದೆರ್. ನಿರ್ಮಲಾ ತಿರುಚ್ಚಿರಾಪಳ್ಳಿಡ್ ಬಿ.ಎ. ಪದವಿ ಪಡೆದ್, ಬೊಕ್ಕ ಅರ್ಥಶಾಸ್ತ್ರಡ್ ಎಂ.ಎ. ಪದವಿನ್ ದಿಲ್ಲಿದ ಜವಾಹರ್‍ಲಾಲ್ ನೆಹರು ವಿಶ್ವವಿದ್ಯಾಲಯೊಡ್ದು ಪಡೆದೆರ್.

ನಿರ್ಮಲಾ ಸೀತಾರಾಮನ್ ಲಂಡನ್‌ನ ರೀಜೆಂಟ್ ಸ್ಟ್ರೀಟ್‌ ಇತ್ತಿನ ಗೃಹಲಂಕಾರ ಅಂಗಡಿ ಹ್ಯಾಬಿಟಾಟ್‌ಡ್ ಮಾರಾಟ ಮನ್ಪುನ ಕೆಲಸ ಮಂತಿತ್ತೇರ್. ಆರ್ ಬ್ರಿಟನ್ ದ ಅಗ್ರಿಕಲ್ಚರಲ್ ಇಂಜಿನಿಯರ್ಸ್ ಅಸೋಸಿಯೇಷನ್‌ಡ್ ಸಹಾಯಕರಾದ್ ಸೇವೆ ಸಲ್ಲಿಸಿದೇರ್. ಅಲ್ಪದ ವಾಸ್ತವ್ಯ ಸಮಯೊಡು, PWC ದ ಹಿರಿಯ ವ್ಯವಸ್ಥಾಪಕರಾದ್ (R&D) ಬೊಕ್ಕ ಸಂಕ್ಷಿಪ್ತವಾದ್ BBC ವರ್ಲ್ಡ್ ಸರ್ವೀಸ್‌ಡ್ ಸೇವೆ ಸಲ್ಲಿಸಿದೇರ್. ಆರ್ ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯರಾದ್ ಸೇವೆ ಸಲ್ಲಿಸಾದೇರ್. 2017 ಡ್ , ಆರ್ ಹೈದರಾಬಾದ್‌ಡ್ ಪ್ರಣವ ಸಂಸ್ಥಾಪಕ ನಿರ್ದೇಶಕರೊಡು ಒರಿ ಆತೇರ್. ಲಂಡನ್ಡ್ ಪ್ರೈಸ್ ವಾಟರ್ ಹೌಸ್ ಕೂಪರ್ ಸಂಸ್ಥೆಡ್ ಆರ್ಥಿಕ ವ್ಯವಹಾರದ ಅಧಿಕಾರಿಯಾಗದ್ ಮಸ್ತ್ ಕಾಲೊ ಶೃದ್ದೆಡು ಕೆಲಸ ಮಂದೆರ್. ೨೦೦೩-೨೦೦೫ದ ಅವಧಿಡ್ ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆಯಾದ್ ಇತ್ತೇರ್.

ನಿರ್ಮಲಾ ಸೀತಾರಾಮನ್ ಜವಾಹರಲಾಲ್ ನೆಹರು ವಿಶ್ವವಿದ್ಯಾನಿಲಯೊಡ್ ಓದೊಂದು ಉಪ್ಪುನಗ ಆಂಧ್ರಪ್ರದೇಶದ ನರಸಪುರಂ ದ, ಅರ್ಥಶಾಸ್ತ್ರಜ್ಞೆ ಬೊಕ್ಕ ವ್ಯಾಖ್ಯಾನಕಾರರಾಯಿನ ಪರಕಾಲ ಪ್ರಭಾಕರ್ ಅವರೆನ್ ಭೇಟಿ ಆಯೆರ್ ಆರ್ ಭೇಟಿ 1986 ಟ್ ಮದಿಮೆ ಆಯಇನಡಎ ಮುಟ್ಟ ಎತ್ತುಂಡು. ನಿರ್ಮಲಾ ಬಿಜೆಪಿದಂಚಿ ಹೊಂದಿಯೆರ್ಡ , ಅರೆನ ಕಂಡನಿ ಕಾಂಗ್ರೆಸ್ ಕುಟುಂಬೊಡ್ದು ಬೈದಿನಾರ್. ಪ್ರಭಾಕರ್ ಆರ್ ಆಂಧ್ರಪ್ರದೇಶದ ಮಾಜಿ ಮುಖ್ಯಮಂತ್ರಿಗ್ ಸಂವಹನ ಸಲಹೆಗಾರರಾದ್ ಸೇವೆ ಸಲ್ಲಿಸಿದೆರ್ ಒರ್ತಿ ಮಗಳ್ ವಾಗ್ಮಯೀ ಪತ್ರಕರ್ತೆ ಆದ್ ಉಲ್ಲೆರ್.

2008 ಇಸವಿಡ್ ನಿರ್ಮಲಾ ಸೀತಾರಾಮನ್ ಭಾರತೀಯ ಜನತಾ ಪಕ್ಷವನ್ನು ಸೇರಿಯೇರ್. ಅರೆನ ವಾಕ್ಚಾತುರ್ಯಡ್ದ್ ಅಲ್ಪಕಾಲೊಡೇ ಪಕ್ಷದ ವಕ್ತಾರೆಯಾದ್ ನೇಮಕ ಆಯೇರ್. ಸುಷ್ಮಾ ಸ್ವರಾಜ್ ಡ್ದ್ ಬೊಕ್ಕ ಉನ್ನತ ಹುದ್ದೆ ಪಡೆಯಿನ ಪೊಂಜೊವು ಪಂದ್ ನಿರ್ಮಲಾರೆನ ಹೆಗ್ಗಳಿಕೆಗ್ ಪಾತ್ರ ಆತುಂಡು. ವಕ್ತಾರೆಯಾದ್ ಉಪ್ಪುನಗ ಆರ್ ಸುದ್ದಿ ವಾಹಿನಿಡ್ ನಿಯಮಿತವಾದ್ ತೋಜುದು ಬರೊಂದು ಇತ್ತೆರ್.

ನಿರ್ಮಲಾ ಸೀತಾರಾಮನ್ ನರೇಂದ್ರ ಮೋದಿ ಅರೆನ ಮಂತ್ರಿಮಂಡಲನ್ ಮೇ 2014 ಡ್ ಸೇರಿಯೆರ್. ಸೆಪ್ಟೆಂಬರ್ 3ತ ಸಂಪುಟ ಪುನರ್ರಚನೆಡ್ ರಕ್ಷಣಾ ಖಾತೆನ್ ಪಡೆದೆರ್.

• 26 ಮೇ 2014 – 3 ಸೆಪ್ಟೆಂಬರ್ 2017 :‌ ವಾಣಿಜ್ಯ ಖಾತೆದ ರಾಜ್ಯ ಸಚಿವೆ (ಸ್ವತಂತ್ರ ನಿರ್ವಹಣೆ)
• 3 ಸೆಪ್ಟೆಂಬರ್ 2017 – 30 ಮೇ 2019  :‌ರಕ್ಷಣಾ ಖಾತೆದ ಸಂಪುಟ ಸಚಿವೆ
• 30 ಮೇ 2019 - ಸದ್ಯ ಕೇಂದ್ರ ಸರ್ಕಾರೊದ ಹಣಕಾಸು ಸಚಿವೆ.

• 2019ಡ್ ಜವಾಹರಲಾಲ್ ನೆಹರು ವಿಶ್ವವಿದ್ಯಾನಿಲಯೊ ನಿರ್ಮಲಾ ಸೀತಾರಾಮ್ ಗ್ ಡಿಸ್ಟಿಂಗ್ವಿಶ್ಡ್ ಅಲುಮ್ನಿ ಪ್ರಶಸ್ತಿನ್ ಕೊರ್ತುಂಡು.

• ಫೋರ್ಬ್ಸ್ ಮ್ಯಾಗಜೀನ್ 2019ಡ್ ವಿಶ್ವದ 100 ಅತ್ಯಂತ ಶಕ್ತಿಶಾಲಿ ಪೊಂಜೊವುಲೆನೆಟ್ 34 ನೇ ಸ್ಥಾನೊನು ಕೊರ್ತೆರ್.

• 2020ಡ್ 41 ನೇ ಸ್ಥಾನ, 2021 ಡ್ 37 ನೇ ಸ್ಥಾನ ಬೊಕ್ಕ , 2022ಡ್ 36 ನೇ ಸ್ಥಾನೊನು ಪಡೆದೆರ್.2023ಡ್ , ಸೀತಾರಾಮನ್ ಸತತ ಐನೇ ಬಾರಿಗ್ ಫೋರ್ಬ್ಸ್ ಮ್ಯಾಗಜೀನ್‌ದ ವಿಶ್ವದ 100 ಅತ್ಯಂತ ಶಕ್ತಿಶಾಲಿ ಪೊಂಜೊವುಲೆನ ಪಟ್ಟಿಡ್ 32 ಸ್ಥಾನ ಪಡೆದೆರ್.

• ದಿ ಎಕನಾಮಿಕ್ ಟೈಮ್ಸ್ ಅವಾರ್ಡ್ಸ್ ಫಾರ್ ಕಾರ್ಪೊರೇಟ್ ಎಕ್ಸಲೆನ್ಸ್ 2021ಡ್ ವರ್ಷದ ವ್ಯಾಪಾರ ಸುಧಾರಕ ಪ್ರಶಸ್ತಿ ನ್ ಲಾ ಗೆದ್ದುದೆರ್.