ಓಲಾದೇವಿಯು ಕಾಲರಾ ದೇವತೆಯಾದಿತ್ತ್ದ್, ಬಂಗಾಳ ಪ್ರದೇಶದ (ಇತ್ತೆದ ಬಾಂಗ್ಲಾದೇಶ ಬೊಕ್ಕ ಭಾರತದ ಪಶ್ಚಿಮ ಬಂಗಾಳ ರಾಜ್ಯ ಸೇರ್ದಿತ್ತ್ನ) ಬೊಕ್ಕ ಮಾರ್ವಾರ್, ರಾಜಸ್ಥಾನದ ಜನೊಕುಲು ಪೂಜೆ ಮಲ್ಪುವೆರ್.
ದೇವಿನ್ ಓಲೈಚಂಡಿ, ಓಲಬೀಬಿ ಬೊಕ್ಕ ಬೀಬಿಮಾ ಪಂದ್ ಲೆಪ್ಪುವೆರ್ . ಆ ದೇವಿನ್ ಬಂಗಾಳದ ಹಿಂದೂಲು ಬೊಕ್ಕ ಮುಸ್ಲಿಮೆರ್ ಪೂಜೆ ಮಲ್ಪುವೆರ್.
ಆಕೆಯನ್ನು ರಾಜಸ್ಥಾನದಲ್ಲಿ ಮಾ ಶೀತಲ ಪಂದ್ ಪೂಜೆ ಮಲ್ಪುವೆರ್, ಕಾಲರಾ, ಕಾಮಾಲೆ, ಅತಿಸಾರ ಬೊಕ್ಕ ಬೇತೆ ಬಂಜಿಗ್ ಸಂಬಂಧಿಸಯಿನ ಸೀಕ್ ಸಂಕಟೊದ್ದ್ ತನ್ನ ಭಕ್ತೆರೆನ್ ರಕ್ಷಣೆ ಮಲ್ಪುವಳ್. ಆ ದೇವಿನ್ ಓರಿ ಮಾತಾ ಪಂದ್ಲ ಲೆಪ್ಪುವೆರ್ .ಮಾರ್ವಾಡಿ ಸಂಪ್ರದಾಯೊಡು ಈ ದೇವಿಗ್ ಒವ್ವೆ ಸ್ಥಿರ ಪ್ರತಿಮಾಶಾಸ್ತ್ರ ಇಜ್ಜಿ ಆಂಡ ಆಳೆನ್ ಸಾಮಾನ್ಯವಾದ್ ಶೀತಲದಂಚ ಚಿತ್ರಿಸದೆರ್.
ಓಲಾದೇವಿ ಪೂಜೆ ಬಂಗಾಳೊಡು ಜಾನಪದ ಸಂಪ್ರದಾಯದ ಪ್ರಮುಖ ಭಾಗವಾದುಂಡು ಬೊಕ್ಕ ಬೇತೆ ಧರ್ಮ ಬೊಕ್ಕ ಸಂಸ್ಕೃತಿದ ಸಮುದಾಯೊಡ್ದು ಮಾನಾದಿಗೆ ಪಡೆತ್ಂಡ್.
ಓಲಾದೇವಿ ಪುರಾಣದ ಜನಪದ ಕಥೆಕ್ಲೆಡ್ ಭಕ್ತೆರ್ ಕಾಲರಾ ಸೀಕ್ ಸಂಕಟೊದ ವಿರುದ್ಧ ರಕ್ಷಕ ದೇವತೆ ಪಂದ್ ನಂಬುದೆರ್, ಇಡಿ ಬಂಗಾಳದ ಸಮುದಾಯೊನ್ ಪೀಡಿಪುನ ಸೀಕ್ಡ್ದ್ ರಕ್ಷಣೆ ಕೊರ್ಪುನಾಳ್ ಪಂದ್ ಆಳೆನ್ ಆರಾಧಣೆ ಮಲ್ಪುವೆರ್ . ವಾಸ್ತವಡ್, ಕಾಲರಾಗ್ ಬಂಗಾಳಿ ಪದ ಓಲಾ-ಓತಾ ಅತ್ತ್ಂಡ ಓಲಾ-ಉತಾ, ಓಲಾ ಪನ್ಪಿ ಪುದರ್ದ ಉಲ್ಲೇಖವಾದುಂಡು ("ಓಲಾ"ಪಂಡ ಬಂಗಾಳಿಡ್ ತಿರ್ತ್ ಪೋಪುನ ಬೊಕ್ಕ ಉತಾ ಪಂಡ ಮಿತ್ತ್ ಪೋಪುನ. ಉಂದು ಕಕ್ಕುನೆ-ಉರ್ಚುನೆನ್ ಸೂಚಿಸವುಂಡು.).
ಹಿಂದೂಲೆಗ್, ಓಲಾದೇವಿ ಪಾರ್ವತಿ ದೇವಿನ ಸಂಯೋಜಿತ ರೂಪವಾದಿತ್ತ್ದ್, ನೀಲಿ ಸೀರೆನ್ ತುತ್ತ್ದ್ ಬೊಕ್ಕ ಬಂಗಾರ್ ಪಾಡ್ದ್ ಎಡ್ಡೆ ಮಂಜಲ್ ಚರ್ಮದ ಪೊಂಜೊನ ರೂಪೊಡು ಚಿತ್ರಿಸದೆರ್. ಆಳೆಗ್ ವಿಸ್ತಾರವಾಯಿನ ಕೈಕುಲು ಜಕ್ಕಲ್ಡ್ ಬಾಲೆದೊಟ್ಟುಗು ಕುಳ್ಳ್ದಿತ್ತ್ನ ದೇವಿ. ಬಂಗಾಳದ ಹಿಂದೂ ಧರ್ಮವು ದೇವಿನ್ ಒಲಬಿಬಿ ಗನ್ ( ಒಲಬಿಬಿ ಪದೊ )ಡ್ದ್ ಒಲಬಿಬಿಅತ್ತ್ಂಡ ಬೀಬಿಮಾ ಪಂದ್ ಲೆಪ್ಪುವೆರ್,ಉಂದು ಕನ್ಯೆ ಹಿಂದೂ ಧರ್ಮದ ರಾಜಕುಮಾರಿನ ಬಾಲೆದ ಕಥೆನ್ ಪನ್ಪುಂಡು .ಉಂದು ಅತೀಂದ್ರಿಯವಾದ್ ಮಾಯಕಾದ್ ದೇವಿಯಾದ್ ಪಿರ ತೋಜಿದ್ ಬರ್ಪುಂಡು. ರಾಜ ಮನೆತನ ಬೊಕ್ಕ ಮಂತ್ರಿ ಮಂಡಲೊಡು ಮಾತೆರೆನ್ಲ ಕಾಪುನ ದೇವಿಯಾದುಲ್ಲಲ್ . ಒಂಜಿ ಕೈಟ್ ತನ್ನ ಭಕ್ತೆರೆ ಕಾಯಿಲೆ ನಾಶಮಲ್ಪುನ ಮಾಂತ್ರಿಕ ಆಯುಧ ಪತೊಂದಿನ ಚಿತ್ರೊಲುಂಡು.
ಓಲಾದೇವಿ ಬಂಗಾಳದ ಜಾನಪದ ಸಂಪ್ರದಾಯೊಡು ಒಂಜಿ ಪ್ರಮುಖ ದೇವಿಯಾದಿತ್ತ್ದ್, ಮುಖ್ಯ ಹಿಂದೂ ದೇವೆರಾಯಿನ ಕೃಷ್ಣನೊಟ್ಟುಗು ಅಪ್ಪೆನ ದೈವಿಕತೆದ ಹಿಂದೂ ಪರಿಕಲ್ಪನೆದ ಮಿತ್ತರ್ಮೆಂದ್ ತೆರಿನಕುಲು ನಂಬುದೆರ್. ಕಾಲರಾ ದೇವತೆಯಾದ್ ಓಲಾದೇವಿನ ಆರಾಧನೆ 19 ನೇ ಶತಮಾನೊಡು ಭಾರತದ ಉಪಖಂಡೊಲೆಡ್ ರೋಗ ಪಸರುನೆದೊಟ್ಟುಗು ಬತ್ತ್ಂಡ್ಂದ್ ಪನ್ಪೆರ್. ಓಲಾದೇವಿನ ಪ್ರಸಿದ್ದಿ ಕೋಮು ರೇಖೆ ಬೊಕ್ಕ ಜಾತಿ ಅಡೆತಡೆನ್ ಮೀರ್ದ್ ದಾಂಟ್ದ್ ಉಂಡು. ವೈದ್ಯಕೀಯ ಬೊಕ್ಕ ನೈರ್ಮಲ್ಯದ ಪ್ರಗತಿಡ್ದಾತ್ರ ಕಾಲರಾ ಭಾರಿ ಬೇಗೊಡೇ ್ ಕಡಿಮೆ ಆಯಿನ ಕಾರಣ ದೇವಿನ ಆರಾಧನೆದ ಮಹತ್ವಲ ಆಧುನಿಕ ಕಾಲೊಡು ಕಡಿಮೆ ಆದುಂಡು.
This article uses material from the Wikipedia ತುಳು article ಓಲಾದೇವಿ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.