ಬಸವರಾಜ ಬೊಮ್ಮಾಯಿ

ಭಾರತೀಯ ಜನತಾ ಪಕ್ಷಡ್ದ್ ಕರ್ನಾಟಕ ವಿಧಾನ ಸಭೆತ ಸದಸ್ಯರಾತೆರ್. ಜುಲೈ28, 2021ನೆ ತಾರೀಕ್‌ದಾನಿ ಬಿ.ಎಸ್. ಯಡಿಯೂರಪ್ಪೆರೆಡ್ದ್ ಬುಕ್ಕೊ ಬೊಮ್ಮಾಯಿ ಕರ್ನಾಟಕೊದ 23ನೇ ಮುಖ್ಯಮಂತ್ರಿಯಾದ್ ಪ್ರಮಾಣ ವಚನ ದೆತೊಂಡೆರ್.

ಬಸವರಾಜ ಬೊಮ್ಮಾಯಿ
ಕರ್ನಾಟಕೊದ 23ನೆದ ಮುಖ್ಯಮಂತ್ರಿ
ಅಧಿಕಾರ ಅವಧಿ ಜುಲೈ 28, 2021 – ಮೇ 15, 2023
ಪೂರ್ವಾಧಿಕಾರಿ	ಬಿ.ಎಸ್. ಯಡಿಯೂರಪ್ಪ
ಮತಕ್ಷೇತ್ರ	ಶಿಗ್ಗಾಂವ
ಪೂರ್ವಾಧಿಕಾರಿ	‌
ವೈಯಕ್ತಿಕ ಮಾಹಿತಿ
ಜನನ	(1960-01-28) 28 January 1960 (age 64) ಹುಬ್ಬಳ್ಳಿ
ರಾಜಕೀಯ ಪಕ್ಷ	ಬಿಜೆಪಿ
ಸಂಗಾತಿ(ಲು)	ಚೆನ್ನಮ್ಮ
ಧರ್ಮ	ಹಿಂದು

ಬಸವರಾಜ ಸೋಮಪ್ಪ ಬೊಮ್ಮಾಯಿ ಕರ್ನಾಟಕೊದ ಮಾಜಿ ಮುಖ್ಯಮಂತ್ರಿ ಎಸ್. ಆರ್. ಬೊಮ್ಮಾಯಿ-ಸೋಮಪ್ಪ ರಾಯಪ್ಪ ಬೊಮ್ಮಾಯಿ ಬುಕ್ಕೊ-ಗಂಗಮ್ಮ ದಂಪತಿಲೆನ ಮಗೆ. 1960ನೇ ಜನವರಿ 28ನೇ ತಾರೀಕ್‌ದಾನಿ ಬಸವರಾಜ ಬೊಮ್ಮಾಯಿ ಪುಟ್ಟ್‌ಯೆರ್. ಬೊಮ್ಮಾಯಿ ಬಿ.ವಿ ಬೊಮ್ಮರೆಡ್ಡಿ ಕಾಲೇಜ್ ಆಫ್ ಇಂಜಿನಿಯರಿಂಗ್‌ಡ್ದ್ ಮೆಕಾನಿಕಲ್ ಇಂಜಿನಿಯರಿಂಗ್ ವಿಬಾಗೊಡು ಪದವಿ ಪಡೆವೊಂಡೆರ್. ಬೊಮ್ಮಾಯಿ ಕೃಷಿಕೆ ಬುಕ್ಕೊ ಕೈಗಾರಿಕೋದ್ಯಮಿ.

ಸಮಾಜಸೇವೆ

ನೀರಾವರಿ ಯೋಜನೆಡ್ ಅಂಚನೆ ನೀರಾವರಿ ವಿಸಯೊಲೆಡ್ ದಿಂಜ ತಿಳುವಳಿಕೆ ಇತ್ತಿನ ಆರ್ ಹಾವೇರಿ ಜಿಲ್ಲೆದ ಶಿಗ್ಗಾಂವ್‌ಡ್ ಭಾರತಡೇ ಸುರೂತ ಶೇ.100 ದಾತ್ ಕೊಳವೆ ನೀರಾವರಿ ಯೋಜನೆಲೆನ್ ಜಾರಿಗೆ ಕೊನರು ಸೇರ್‌ನಂಚ ನೀರಾವರಿ ಕ್ಷೇತ್ರೊಡು ಮಸ್ತ್ ಬೆಂದಿನಾರ್. ಜಲಸಂಪನ್ಮೂಲ ಸಚಿವರಾದ್ ಕಾರ್ಯ ನಿರ್ವಹಿಸಯಿನ ಅನುಬವೊ ಇತ್ತಯಿನಾರ್.

• ಜನತಾದಳಡ್ದ್ ಬೊಮ್ಮಾಯಿಯೆರೆನ ರಾಜಕೀಯ ಜೀವನೊ ಸುರುವಾಂಡ್.
• 1998 ಬುಕ್ಕೊ 2004ಡ್ ಧಾರವಾಡೊದ ಸ್ಥಳೀಯ ಅಧಿಕಾರಿಲೆ ಕ್ಷೇತ್ರೊಡ್ ವಿಧಾನ ಪರಿಷತ್‌ಗ್ ಆಯ್ಕೆ ಆಯೆರ್.
• 2008ಡ್ ಜನತಾದಳ ಪಕ್ಷೊನು ಬುಡ್ದು ಬಿಜೆಪಿ ಪಕ್ಷೊಗು ಸೇರಿಯೆರ್.
• 2008ನೆ ವಿಧಾನಸಭಾ ಚುನಾವಣೆಡ್ ಶಿಗ್ಗಾಂವ ಕ್ಷೇತ್ರೊಡ್ದು ಬಿಜೆಪಿ ಶಾಸಕರಾದ್ ಬೊಮ್ಮಾಯಿ ಆಯ್ಕೆ ಆಯೆರ್. ಬೊಮ್ಮಾಯಿಯೆರ್ ಈ ಕ್ಷೇತ್ರೊಡ್ದ್ ಮೂಜಿ ಸರ್ತಿ ಶಾಸಕರಾದ್ ಆಯ್ಕೆ ಆಯೆರ್.
• ಜೆ ಹೆಚ್ ಪಟೇಲ್‌ರ್ ಸಿಎಂ ಆದಿತ್ತಿನ ಪೊರ್ತುಡು ಮುಖ್ಯಮಂತ್ರಿಲೆ ಸಂಸದೀಯ ಕಾರ್ಯದರ್ಶಿ, ಕಾನೂನು ಬುಕ್ಕೊ ಸಂಸದೀಯ ಸಚಿವೆರಾದ್, ಸಹಕಾರ ಸಚಿವೆರಾದ್ ಕಾರ್ಯನಿರ್ವಹಣೆ ಮಲ್ತಿನ ಅನುಬವೊ ಬಸವರಾಜ ಬೊಮ್ಮಾಯಿಯೆರೆಗ್ ಉಂಡು.
• ಬಿ ಎಸ್ ಯಡಿಯೂರಪ್ಪೆರೆನ ಸಂಪುಟೊಡು ಗೃಹ ಖಾತೆನ್ ನಿರ್ವಹಿಸಯಿನ ಅನುಬವೊ ಇಪ್ಪುನ ಬಸವರಾಜ ಬೊಮ್ಮಾಯಿ ಮುಖ್ಯಮಂತ್ರಿ ಜಾಗೆಗ್ ಏರ್‌ಯೆರ್.
• ಜನತಾದಳೊಡ್ಡು ಸೋಮಪ್ಪ ರಾಯಪ್ಪ ಬೊಮ್ಮಾಯಿ (ಎಸ್ ಆರ್ ಬೊಮ್ಮಾಯಿ) ಆರ್ ಮುಖ್ಯಮಂತ್ರಿಯಾಯಿನ (1988-89) 32-33 ವರ್ಸೊ ಬುಕ್ಕೊ ಆರೆನ ಮಗೆ ಬಸವರಾಜ ಬೊಮ್ಮಾಯಿಯೆರ್ ಬಿಜೆಪಿಡ್ದ್ ಮುಖ್ಯಮಂತ್ರಿ ಆಯೆರ್.