ನೇಪಾಳಿ ಮದಿಮೆ

ನೇಪಾಲದಕ್ಲೆನ ಮದಿಮೆಡ್ ಮಸ್ತ್ ಸಂಪ್ರದಾಯ ಬುಕ್ಕ ಆಚರಣೆಲು ಉಲ್ಲ. ಮದಮೆರ್ದ್ ದುಂಬು ಬಿಬಿಯಾ ಚಿನೆ, ಮದಿಮಾಯಗ್ ಲೆಪ್ಪೋಲೆ, ಸೈಪತ, ಲಗ್ನ ಪತ್ರಿಕಾ, ಪುರ್ಬಂಗಾ ಈತ್ ಕಾರ್ಯಕ್ರಮೊಲು ಮದಿಮೆರ್ದ್ ದುಂಬು ನಡಪರೆ ಉಂಡು. ಮದಿಮೆದಾನಿ ಜಂತಿ, ಹೋಮ, ಸ್ವಯಂವರ, ಕನ್ಯಾದನ, ಪನಿಗ್ರಹಣ, ಸುಹಾಗ್ ಚಿನೊ(ಬೊಡೆದಿಗ್ ಮುಂಡೊಗ್ ಕುಂಕುಮ ಪಾಡುನ), ಅಗ್ನಿ ಪರಿಕ್ರಮ, ಸಪ್ತಪದಿ, ಮಹೂರ್ ಖುವನೆ ಬುಕ್ಕ ಹೃದಯ ಸ್ಪರ್ಶ ಈತ್ ಕ್ರಮೊಲ್ ಮದಿಮೆದಾನಿ ನಡಪುಂಡು. ಮದಿಮೆ ಆದ್ ಮದಿಮಾಲೆನ್ ಕಮಡನಿ ಇಲ್ಲಗ್ ಕಡಪುರ್ನ, ಕಂಡನಿ ಇಲ್ಲಡ್ ಮದಿಮಾಲೆನ್ ಇಲ್ಲ ಪೊಗ್ಗಾವುನ, ಆರತಕ್ಷತೆ ಕ್ರಮೊ ಈತ್ ಕಾರ್ಯಕ್ರಮೊಲು ಮದಿಮೆರ್ದ್ ಬುಕ್ಕ ಆಪುಂಡು. ಮದಿಮೆಡ್ ಮದಿಮಾಲ್ ಕೆಂಪು ಬಣ್ಣೊದ ಸೀರೆ ಅತ್ತ್ಂಡ ಕೆಂಪುದ ಲೆಹೆಂಗಾ ಪಾಡುನವು ಸಂಪ್ರದಾಯ ಅಂಚನೆ ಮಂಡೆಗ್ ಸೀರೆದ ಸೆರಂಗ್ ನ್ ಪಾಡೊಂದು ಇಪ್ಪುವೆರ್. ಉಂದೆಕ್ಕ್ ಚುನ್ರಿ ಪಂಡ್‍ದ್ ಪನ್ಪೆರ್. ನೇಪಾಳಿ ಮದಿಮೆಡ್ ಮದಿಮಾಲ್ ಜಾಸ್ತಿ ಬಂಗಾರ್ ಪಾಡುಜೆರ್ - ಕಾಜಿ, ಕೆಲವ್ ಬಂಗಾರ್ದ ಸರ, ನೆತ್ತಿ ಬಯ್ತಲೆ ಪಾರ್ದಿಪ್ಪುವೆರ್ .

 

ಮದಿಮೆದ ದುಂಬುನಾನಿ , ಮದಿಮಾಲೆನ ಇಲ್ಲಡ್ ಮದ್ರೆಂಗಿದ ಶಾಸ್ತ್ರ ನಡಪುಂಡು. ಸಾಂಪ್ರದಾಯಿಕವಾದ್, ಜುವೊನ್ ತಂಪಾದ್ ದೀವರೆ ಮದ್ರೆಂಗಿನ್ ಕೈ ಬುಕ್ಕ ಪಾದೊಗ್ ದೀಪೆರ್ . ಅಂಚನೆ ಮದ್ರೆಂಗಿದ ಡಿಸೈನ್ ದ ನಡೂಟು ಮದಿಮಾಯನ ಪುದರ್ ಬರೆದ್ , ಆಯನ ಪುದರ್ ನ್ ಮದಿಮಾಲೆನ ಮದ್ರೆಂಗಿದ ನಡುಟು ಆಯೆನೆ ನಾಡುನ ಗೊಬ್ಬುನು ಗೊಬ್ಬಾವೆರ್.

ಈ ಉಂಗಿಲ ಆಕಾರೊದ ವಸ್ತುನು ಕದಿಕೆನ್ ಉಪಯೋಗಿಸಾದ್ ಮಲ್ಪುವೆರ್. ನಿಸ್ಚಯದ ಉಂಗಿಲೊನು ಬದಲಾಯಿಸಾವುನ ದುಂಬು ಉಂದೆನ್ ಪಾಡೊಡು. ಈ ಕದಿಕೆದ ಉಂಗಿಲ ಸುದ್ದತೆ ಬುಕ್ಕ ನೇಪಾಲಿ ಸಂಪ್ರದಾಯೊಡ್ ಪವಿತ್ರ ಪನ್ಪಿನ ನಂಬುಗೆ ಉಂಡು. ಪುಣ್ಣಮೆದ ಮನದಾನಿ ಕದಿಕೆನ್ ಕೊಯ್ದ್ ಅವೆರ್ದ್ ಉಂಗಿಲೊನ್ ತಯಾರ್ ಮಲ್ಪುವೆರ್.

 

ಈ ಕಲಸನ್ ಪಿತ್ತಲೆರ್ದ್ ತಯಾರ್ ಮಲ್ತಿಪ್ಪುವೆರ್. ಈ ಕಲಸಡ್ ನೀರ್ ನ್ ದಿಂಜಾದಿಪ್ಪುವೆರ್.

ದಿಯೊ ಪಂಡ್‍ಂಡ ದಿಯಾ ಅತ್ತ್ಂಡ ದೀಪ ಪಂಡ್ದ್ ಅರ್ತ. ಮಾಂತ ವಿಗ್ನೊಲೆನ್ ದೂರ ಮಲ್ಪುನ ಸಲುವಾದ್ ಬೊಲ್ಲಿದ ದೀಪೊನ ದೀಪುನ ಕ್ರಮ ಉಂಡು.

ಈ ಸಾಂಪ್ರದಾಯಿಕ ಸಂದರ್ಬೊಡ್, ಮದಿಮಾಲ್ ಮಂಟೊಪೊದ ಅಡಿಟ್ ಕುಲ್ಲುದಿಪ್ಪುನ ತನ್ನ ವಮದಿಮಾಯೆನ ಸುತ್ತ ಮೂಜಿ ಸರ್ತಿ ಸುತ್ತು ಬರ್ಪೆರ್. ಮದಿಮಾಲ್ ಸುತ್ತು ಬನ್ನಗ ಪೂ ಇಜ್ಜಾಂಡ ಅಕ್ಷತೆ ಪಾಡುನ ಕ್ರಮೊ ಉಂಡು.

 

ಹಿಂದೂ ಸಂಪ್ರದಾಯೊದ ಪ್ರಕಾರ, ಮದಿಮಾಲ್ ಬುಕ್ಕ ಮದಿಮಾಯೆನ ಕಂಟೆಲ್‍ಡ್ ಪೂತ್ತ ಮಾಲೆ ಇಪ್ಪುನವು ಪದ್ದತಿ. ಅವೆತ್ತ ಪ್ರಕಾರ ನೇಪಾಲಿ ದಕ್ಲೆನ ಮದಿಮೆಟ್ ಕದಿಕೆದ ಮಾಲೆನ್ ಮದಿಮಾಲ್ ಬುಕ್ಕ ಮದಿಮಾಯೆ ಒರಿಯಕ್ಕೊರಿ ಪಾಡೊನ್ವೆರ್. ಈ ಕದಿಕೆದ ಮಾಲೆಗ್ ನೇಪಾಳಿ ಬಾಸೆಡ್ ಡುಬೊ ಕಾ ಮಾಲಾ ಪಂಡ್‍ದ್ ಪನ್ಪೆರ್.

ಮದಿಮೆದ ಸಂದರ್ಬೊಡ್ ಮದಿಮಾಯೆ ಮದಿಮಾಲೆನ ಮುಂಡೊಗು ಕುಂಕುಮ ಪಾಡ್ನಗ ಬೊಲುದು ಕುಂಟುನು ಮೋನೆ ದ ಮಿತ್ತಮೈಟ್ ಪತ್‍ದ್ ಕುಂಕುಮನ್ ಕಂಡನೆ ಆಪಿನಾಯೆ ಬೊಡೆದಿನ ಮುಂಡೊಗ್ ಪಾಡ್ವೆರ್. ಉಂದೆಕ್ಕ್ ಸಿಂದೂರ್ ಪಂದ್ಲಾ ಪನ್ಪೆರ್.

 

ಉಂದೆನ್ ಸಾಮಾನ್ಯವಾದ್ ಪೊಟೆ ಪನ್ಪಿನ ಕೆಂಪು ಇಜ್ಜಾಂಡ ಪಚ್ಚೆ ಮಣಿನ್ ಗಲಸ್‍ದ್ ಮಾಲೆ ಮಲ್ಪುವೆರ್ ಅಂಚನೆ ಅವೆತ್ತ ಮದ್ಯಡ್ ಉಪ್ಪುನ ಬಂಗಾರ್‍ದ ತುಂಡುಗು ತಿಲ್ಹರಿ ಪಂಡ್‍ದ್ ಪನ್ಪೆರ್. ಉಂದೆನ್ ಆಣನ ಕಡೆರ್ದ್ ಕೊರ್ಪಿನ ಉಡಿಗಿರ. ಉಂದೆನ್ ಮದಿಮೆ ಆತಿನ ಪೊಣ್ಣುಲು ಮಾತ್ರ ಪಾಡೊಲಿ .

ಮೊಕ್ಲೆನ ಮದಿಮೆ ಸಮಪ್ರದಾಯೊಡ್ ಪೂರ ಕ್ರಮೊ ಸಂಪ್ರದಾಯೊಲ್ ಮುಗ್ಗಿ ಬುಕ್ಕ ಕಂಡನೆ ಬೊಡೆದಿ ಒರಿಯಕ್ಕೊರಿ ಉಂಗಿಲ ಪಾಡುನ ಕಿರಮ ಉಂಡು.