ತುಳು ಗೌಡೆರ್: ಪತ್ತ್ ಕುಟುಮೊ ಪದ್ನೆನ್ಮೊ ಬರಿ

ತುಳುನಾಡ್‍ಗ್ ಗೌಡೆರ್‌ನಕುಲು ಐಗೂರು ಸೀಮೆರ್ದ್ ಕ್ರಿ.ಶ. ೧೪೦೦ನೆ ಇಸವಿದ ಕಾಲೊಡ್ ಬತ್ತೆರ್ಂದ್ ವಿದ್ವಾಂಸೆರ್ ಪನ್ಪೆರ್.

ತುಳು ಅರೆಬಾಷೆ ಗೌಡ ಸಮುದಾಯೊ ಹೆಚ್ಚಾದ್ ದಕ್ಷಿಣ ಕನ್ನಡ ಬೊಕ್ಕ ಕೊಡಗ್ ಜಿಲ್ಲೆಡ್ ಉಲ್ಲೆರ್. ಮೊಕುಲು ಮೂಲೊಡು ನಾಥ ಪಂಥದಕ್‌ಲ್. ಬುಕ್ಕ ಶಾರಾದಾಂಬೆನ್ ಪೂಜಿಸವೊಂದ್ ಇತ್ತೆರ್. ವಿಷ್ಣುವರ್ಧನೆ ಅಳುನ ಕಾಲೊಡು ವಿಷ್ಣುನ ಆರಾಧಕೆರಾದ್ ತಿರುಪತಿ ದೇವೆರೆನ್ ಇಲ್ಲದ ದೇವೆರಾದ್ ನಂಬೊಂದು ಬತ್ತೆರ್. ಮೈಸೂರು ಸಾಮ್ರಾಜ್ಯದ ಕಾಲೊಡು ತುಳುನಾಡ್‍ಗ್ ಬತ್ತ್‌ದ್ ನೆಲೆಸಿಯೆರ್. ಪತ್ತ್ ಕುಟುಮೊ ಪದ್ನೆನ್ಮೊ ಬರಿ ಪಂಡ್ದ್ ಮೂಲ ಕುಟ್‌ಮೊ ಎಗ್ಗೆ.

 

ತುಳು ಗೌಡೆರ್‌ನಗ್ಲ್‌ನನೆ ಒಂಜಿ ಆಡಲಿತ ವ್ಯವಸ್ತೆ ಇತ್ತುದ್ ಮೂಲು ಒಂಜಿ ಊರುಗು ಗ್ರಾಮೋ ಗೌಡೆರ್ ಬೊಕ್ಕ ಒತ್ತು ಗೌಡೆರ್ ಇಪ್ಪುವೆರು. ಅಂಚನೆ ಎನ್ಮೋ‌ ಅತಂಡ ಪತ್ತು ಊರ್‌ಗ್ ಮಾಗಣೆ ಗೌಡೆರ್ ಮಿತ್ತ ಸ್ತರೋಟು ಉಪ್ಪುವೆರ್.

ಮದಿಮೆ ಶಾಸ್ತ್ರೊ

 

ಒಂಜೆ ಬರಿಟ್ ಪುಟ್ಂಡ ಅವೇ ಬರಿತಗಳ್ ಮದಿಯೆ ಆವರ ಶಾಸ್ತ್ರ ನಿಸೆದ. ಗೌಡೆರ್‌ನಗ್‌ಳ್ ಜೋಕುಳೆ ಕಟ್ಟ್, ಪತ್ತ್ ಕುಟುಮೊ ಪದ್ನೆನ್ಮೊ ಬರಿ ಪಂಡ್ದ್‌.

ಬಾಂದವೆರೆಡ್ಲಾ, ಅರಮನೆತಗ್ಲೆಡಲ, ಗುರುಮನೆತಗ್ಲೆಡಲಾ, ಪತ್ತ್ ಕುಟುಮೊ ಪದ್ನೆನ್ಮೊ ಬರಿತ ಬಂದುಲೆಡ್ಲಾ, ಕಟ್ಟೆಮನೆತಗ್ಲೆಡ್ಲಾ, ಮಗನೆ ಇಲ್ಲತ‌ಗ್ಲೆಡ್ಲಾ, ಊರ ಗೌಡ್ರೆರ್‌ಡ್ಲಾ, ಇತ್ತ್ಂಚಿನ ಬಿನ್ನೆರೆಡ್ಲಾ, ಬತ್ತಿನಂಚಿನಾ ಬಿನ್ನೆರೆಡ್ಲಾ ಕೇನೊಂದು ಬಂಗೇರ ಬರಿತ (ಅನನ ಪುದರ್) ಪನ್ಪಿ ಅನಗ್ಲಾ, ನಂದೆರೆ ಬರಿತ (ಪೊನ್ನನ ಪುದರ್) ಪೊನ್ನಗ್ಲಾ ತಾಲಿ ಕಟ್ಟುಬೋ ಪನ್ಪರ್.

ಬರಿ ಪದ್ಧತಿ

ಗೌಡ್ರ್‌ನಕ್ಲೆಡ್ ​"ಪತ್ತ್ ಕುಟುಮೊ ಪದ್ನೆನ್ಮೊ ಬರಿ" ಪಂಡಿಲೇಕಾ ೧೮ ಬರಿ ಮೂಲೋಡ್ ತೋಜಿದು ಬರ್‌ಪುಂಡು, ಆಂಡಾ ಕಾಲ ಕರೀದ್ ೧೨ ಬರಿಕ್‌ಲೆನ್ ತುವೊಲಿ. ಅವೆಟ್ಟು ಕೆಲವೊಂಜ್ಜಿ ಪಂಡ ಬಲಸೆರೆ ಬರಿ, ನಾಯೆರೆ ಬರಿ, ನಂದೆರೆ ಬರಿ, ಬಂಗೆರೆ ಬರಿ, ಗುಂಡೆರೆ ಬರಿ, ಚಿತ್ತೆರೆ ಬರಿ, ಪೆರ್ಬೆರೆ ಬರಿ, ಸಾಲೆರೆ ಬರಿ ಇಂಚಾತ್ ಬರಿಕ್ಲೆನ್ ತುವೊಲಿ.

ದಕ್ಷಿಣ ಕನ್ನಡ ಜಿಲ್ಲೆದ ಬೆಳ್ತಂಗಡಿ, ಪುತ್ತೂರು, ಸುಳ್ಯ ತಾಲ್ಲೂಕು‌ಡ್ ತುಳು ಬಾಸೆನ್ಲ, ಸುಳ್ಯ ಬೊಕ್ಕ ಕೊಡಗ್‌ಡ್ ಅರೆಬಾಸೆನ್ ಪಾತೆರುವೆರ್.