ಪ್ರತಿದೀಪಕ ದೀಪವು ದೃಶ್ಯ ಬೆಳಕನ್ನು ಸೃಷ್ಟಿಸಲು ಪ್ರತಿದೀಪ್ತಿಯನ್ನು ಬಳಸುವ ಒಂದು ಕಡಿಮೆ ಒತ್ತಡದ ಪಾದರಸ ಅನಿಲ ವಿಸರ್ಜನಾ ದೀಪ.
ಅನಿಲದಲ್ಲಿನ ವಿದ್ಯುತ್ ಪ್ರವಾಹವು ಪಾದರಸ ಆವಿಯನ್ನು ಪ್ರಚೋದಿಸುತ್ತದೆ ಮತ್ತು ಇದು ಅಲ್ಪ ತರಂಗ ಅತಿನೇರಳೆ ಬೆಳಕನ್ನು ಉತ್ಪಾದಿಸುತ್ತದೆ ಮತ್ತು ಇದು ನಂತರ ದೀಪದ ಒಳಗಿನ ಫಾಸ್ಫರ್ ಲೇಪನವು ಪ್ರಕಾಶಿಸುವಂತೆ ಮಾಡುತ್ತದೆ. ಪ್ರತಿದೀಪಕ ದೀಪವು ಪ್ರಕಾಶಮಾನ ದೀಪಗಳಿಗಿಂತ ಬಹಳ ಹೆಚ್ಚು ಪರಿಣಾಮಕಾರಿಯಾಗಿ ವಿದ್ಯುತ್ ಶಕ್ತಿಯನ್ನು ಉಪಯುಕ್ತ ಬೆಳಕಾಗಿ ಪರಿವರ್ತಿಸುತ್ತದೆ. ಪ್ರತಿದೀಪಕ ಬೆಳಕು ವ್ಯವಸ್ಥೆಗಳ ಸಾಮಾನ್ಯ ಹೊಳೆಯುವ ಪರಿಣಾಮಕಾರಿತ್ವ ವಾಟ್ಗೆ ೫೦-೧೦೦ ಲೂಮೆನ್ ಆಗಿದೆ, ಇದು ಹೋಲುವ ಬೆಳಕು ಇಳುವರಿಯ ಪ್ರಕಾಶಮಾನ ದೀಪಗಳ ಪರಿಣಾಮಕಾರಿತ್ವಕ್ಕಿಂತ ಹಲವು ಪಟ್ಟು ಹೆಚ್ಚಾಗಿದೆ.
ಪ್ರತಿದೀಪಕ ದೀಪದ ಜೋಡಣೆಗಳು ಪ್ರಕಾಶಮಾನ ದೀಪಗಳಿಗಿಂತ ಹೆಚ್ಚು ದುಬಾರಿ ಏಕೆಂದರೆ ಅವುಗಳಿಗೆ ದೀಪದಲ್ಲಿ ವಿದ್ಯುತ್ ಪ್ರವಾಹವನ್ನು ನಿಯಂತ್ರಿಸಲು ಬ್ಯಾಲೆಸ್ಟ್ ಬೇಕಾಗುತ್ತದೆ, ಆದರೆ ಸಾಮಾನ್ಯವಾಗಿ ಅದರ ಹೆಚ್ಚು ಕಡಿಮೆ ಶಕ್ತಿ ವೆಚ್ಚವು ಹೆಚ್ಚಿರುವ ಆರಂಭಿಕ ವೆಚ್ಚವನ್ನು ಸರಿದೂಗಿಸುತ್ತದೆ. ಅಡಕ ಪ್ರತಿದೀಪಕ ದೀಪಗಳು ಪ್ರಕಾಶಮಾನ ದೀಪಗಳಷ್ಟೇ ಜನಪ್ರಿಯ ಗಾತ್ರಗಳಲ್ಲಿ ಈಗ ಲಭ್ಯವಿವೆ ಮತ್ತು ಮನೆಗಳಲ್ಲಿ ಶಕ್ತಿ ಉಳಿತಾಯ ಪರ್ಯಾಯಗಳಾಗಿ ಬಳಸಲ್ಪಡುತ್ತವೆ.
ಅವುಗಳಲ್ಲಿ ಪಾದರಸ ಇರುವುದರಿಂದ, ಅನೇಕ ಪ್ರತಿದೀಪಕ ದೀಪಗಳನ್ನು ಅಪಾಯಕಾರಿ ತ್ಯಾಜ್ಯವೆಂದು ವರ್ಗೀಕರಿಸಲಾಗುತ್ತದೆ. ಮರುಬಳಕೆ ಅಥವಾ ಸುರಕ್ಷಿತ ವಿಲೇವಾರಿಗಾಗಿ ಪ್ರತಿದೀಪಕ ದೀಪಗಳನ್ನು ಸಾಮಾನ್ಯ ತ್ಯಾಜ್ಯದಿಂದ ಪ್ರತ್ಯೇಕಿಸಬೇಕು ಎಂದು ಅಮೇರಿಕಾದ ಪರಿಸರ ರಕ್ಷಣಾ ಸಂಸ್ಥೆ ಶಿಫಾರಸು ಮಾಡುತ್ತದೆ, ಮತ್ತು ಕೆಲವು ಆಡಳಿತವ್ಯಾಪ್ತಿಗಳಲ್ಲಿ ಅವುಗಳ ಮರುಬಳಕೆ ಅಗತ್ಯವಾಗಿದೆ.
ಮನೆಗಳಲ್ಲಿ, ಪ್ರತಿದೀಪಕ ದೀಪಗಳನ್ನು ಬಹುತೇಕವಾಗಿ ಅಡುಗೆಮನೆ, ನೆಲಮಾಳಿಗೆ, ಗ್ಯಾರೇಜ್ಗಳಲ್ಲಿ ಕಾಣಬಹುದು, ಆದರೆ ಶಾಲೆಗಳು ಮತ್ತು ವ್ಯಾಪಾರ ಸ್ಥಳಗಳಲ್ಲಿ ಹೆಚ್ಚಾಗಿ ಪ್ರತಿದೀಪಕ ದೀಪಗಳು ಕಂಡರೆ ಪ್ರಕಾಶಮಾನ ದೀಪಗಳು ಅಪರೂಪವಾಗಿ ಕಾಣುತ್ತವೆ ಏಕೆಂದರೆ ಇವುಗಳ ವೆಚ್ಚದ ಉಳಿತಾಯ ಗಮನಾರ್ಹವಾಗಿದೆ. ಕೆಲವು ಕಡೆ ಇವುಗಳ ಬಳಕೆಯನ್ನು ಉತ್ತೇಜಿಸಲು ತೆರಿಗೆ ಪ್ರೋತ್ಸಾಹಗಳನ್ನು ನೀಡಲಾಗುತ್ತದೆ.
ಸಾಮಾನ್ಯ ಬೆಳಕು ವ್ಯವಸ್ಥೆಗಳ ಜೊತೆಗೆ, ವಿಶೇಷ ಪ್ರತಿದೀಪಕ ದೀಪಗಳನ್ನು ಹಲವುವೇಳೆ ಚಲನಚಿತ್ರ ಮತ್ತು ವೀಡಿಯೊ ತಯಾರಿಕೆಗಾಗಿ ರಂಗಮಂಚ ಬೆಳಕು ವ್ಯವಸ್ಥೆಗಳಲ್ಲಿ ಬಳಸಲಾಗುತ್ತದೆ. ಅವು ಸಾಂಪ್ರದಾಯಿಕ ಹ್ಯಾಲೋಜೆನ್ ಬೆಳಕು ಮೂಲಗಳಿಗಿಂತ ಹೆಚ್ಚು ತಂಪಾಗಿವೆ, ಮತ್ತು ವೀಡಿಯೊ ಮಿನುಗುವಿಕೆಯನ್ನು ತಡೆಯಲು ಉನ್ನತ ಆವರ್ತನದ ಬ್ಯಾಲೆಸ್ಟ್ಗಳನ್ನು ಬಳಸುತ್ತವೆ.
This article uses material from the Wikipedia ತುಳು article ಟ್ಯೂಬುಲೈಟ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.