ಗಣರಾಜ್ಯೋತ್ಸವ: ರಾಷ್ಟ್ರೀಯ ಹಬ್ಬ

ಭಾರತೀಯ ಸಂವಿಧಾನ ಜಾರಿಗ್ ಬತ್ತ್ ದ್ ಭಾರತೊ ಗಣರಾಜ್ಯವಾಯಿನ, ಜನವರಿ ೨೬, ೧೯೫೦ ದಾನಿ. ಅಯಿನ ಪ್ರಯುಕ್ತ ಈ ದಿನೊನ್ ಗಣರಾಜ್ಯೋತ್ಸವವಾದ್ ಆಚರಣೆ ಮಾಲ್ಪುವೆರ್. ಜನವರಿ ೨೬ ಭಾರತದಾದ್ಯಂತ ಸರ್ಕಾರಿ ರಜಾ ದಿನ. ಸಾಮಾನ್ಯವಾದ್ ಪ್ರಾಥಮಿಕ, ಪ್ರೌಢ ಶಾಲೆಲೆಡ್ ಈ ಪ್ರಯುಕ್ತ ಕಾರ್ಯಕ್ರಮೊಲೆನ್ ದೀಪೆರ್..  ನವದೆಹಲಿಡ್ ಭಾರತ ಸಶಸ್ತ್ರ ಪಡೆ ಪೇರೆಡ್ ನಡಪುಂಡು.

ಆಗಸ್ಟ್ ೧೫ ೧೯೪೭ದಾನಿ ಭಾರತ ಸ್ವತಂತ್ರವಾದ್ ಬುಕ್ಕೊ ಆಗಸ್ಟ್ ೨೯ದಾನಿ ಡಾ. ಅಂಬೇಡ್ಕರ್ ರೆನ ಮುತಾಲಿಕೆಡ್ ರಡ್ಡ್ ಸಮಿತಿನ್ ನೇಮಕ ಮಲ್ತೆರ್. ಈ ಸಮಿತಿ ಸಂವಿಧಾನೊದ ಕರಡು ಪ್ರತಿನ್ ತಯಾರ್ ಮಾಲ್ತ್ ದ್ ನವೆಂಬರ್ ೪ ೧೯೪೭ದಾನಿ ಶಾಸನ ಸಭೆಟ್ ಮಂಡನೆ ಮಲ್ತೆರ್.ನವೆಂಬರ್೨೬,೧೯೪೯ ದಾನಿ ಅಂಗೀಕಾರ ಮಲ್ತೆರ್. ಅನೇಕ ಪರಿಶೀಲನೆ ಬುಕ್ಕೊ ತಿದ್ದುಪಡಿ ಅಯಿನೆಡ್ದ್ ಬುಕ್ಕೊ ಜನವರಿ ೨೬ ೧೯೫೦ದಾನಿ ಭಾರತ ಸಂವಿಧಾನ ಜಾರಿಗೆ ಬತ್ತ್‌ಂಡ್. ಭಾರತ ಸ್ವಾತ೦ತ್ರ್ಯ ಚಳುವಳಿಡ್ ಜನವರಿ ೨೬, ೧೯೨೯ ದಾನಿ ಭಾರತ ರಾಷ್ಟ್ರೀಯ ಕಾ೦ಗ್ರೆಸ್ ಪೂರ್ಣ ಸ್ವರಾಜ್ಯ ಧ್ಯೇಯೊನ್ ಮಲ್ತೆರ್. ಲಾಹೋರ್ ಡ್  ನಡೆತ್ತಿನ ಕಾ೦ಗ್ರೆಸ್ ಅಧಿವೇಶೊನೊಡು ಈ ನಿರ್ಧಾರೊನ್ ದೆತ್ತೊಂದೆರ್ ಈ ದಿನೊನ್ ಪೂರ್ಣ ಸ್ವರಾಜ್ಯ ದಿನ ಪಂಡ್ದ್ ಘೋಷಣೆ ಮಲ್ತೆರ್. ಅವೇ ಕಾರಣೊಗಾದ್ ಸ್ವಾತ೦ತ್ರ್ಯ ಬುಕ್ಕೊ ಭಾರತ ಸ೦ವಿಧಾನೊ ಈ ದಿನದಾನಿ ಜಾರಿಗ್ ಬತ್ತಂಡ್.

•  
  ವಿದ್ಯುತ್ ದೀಪಾಲಾಂಕಾರಟ್ ರಾಷ್ಟ್ರಪತಿ ಭವನ.
•  
  ಗಣರಾಜ್ಯೋತ್ಸವ ಪಥಸಂಚಲನಟ್ ಅಗ್ನಿ-೨ ಕ್ಷಿಪಣಿತ ಪ್ರದರ್ಶನ.
•  
  ೨೦೧೪ ರ ಗಣರಾಜ್ಯೋತ್ಸವಟ್ ಮುಖ್ಯ ಬಿನ್ನೇರ್ ಆತ್ ಪಾಲ್‌ಪಡೆಯಿನ ಅಮೆರಿಕಾತ ಅಧ್ಯೆಕ್ಷೆರ್ ಬರಾಕ್ ಒಬಾಮ ನೊಟ್ಟಗ್ ಪ್ರಧಾನಿ ನರೇಂದ್ರ ಮೋದಿ.
•  
•  

  ಭಾರತ ಅತ್ತಂದೆ ಬೇತೆ ದೇಶೊದ ನಾಯಕೆರೆನ್ ಮುಖ್ಯ ಬಿನ್ನೆರಾದ್ ಲೆಪ್ಪುವೇರ್.

• ಸ್ವಾತಂತ್ರ್ಯ ದಿನಾಚರಣೆ
• ಭಾರತದ ಇತಿಹಾಸ
• ಮೊದಲ ಗಣರಾಜ್ಯೋತ್ಸವದ ವಿಡಿಯೊ