ಕರಾಡ ಪನ್ಪಿನವು ಹಿಂದೂ ಧರ್ಮೊದ ಬ್ರಾಹ್ಮಣ ಸಮುದಾಯೊದ ಒಂಜಿ ವರ್ಗೊ.
ಕರಾಡ ಬ್ರಾಹ್ಮಣೆರ್ ಋಗ್ವೇದದ ಅನುಯಾಯಿಲು. ಈ ವರ್ಗೊದ ಜನಕುಲು ಕರಾಡ ಭಾಸೆನ್ ಪಾತೆರುವೆರ್. ಈ ವರ್ಗೊದ ಪೂರ್ವಜೆರ್ ಮೂಲ ಮಹಾರಾಷ್ಟ್ರ ರಾಜ್ಯೊದ ಕರಾಡೆ ಪನ್ಪಿನ ಜಾಗೆ ಆಂಡಲ ಅಲ್ಪಡ್ದ್ ವಲಸೆ ಬತ್ತದ್ ತುಳುನಾಡ್ ಅಂಚನೇ ಕರ್ನಾಟಕೊದ ಕೆಲವ್ ಜಿಲ್ಲೆಡ್ ನೆಲೆ ಪತ್ಯೆರ್ ಪನ್ಪಿನ ಇತಿಹಾಸ ಉಂಡು. ದಕ್ಷಿಣ ಕನ್ನಡ ಅಂಚನೇ ಕಾಸರಗೋಡುದ ಕೆಲವು ಭಾಗೊಡು ಕರಾಡ ಬ್ರಾಹ್ಮಣೆರ್ ಎಚ್ಚಾದ್ ಉಲ್ಲೆರ್.
ಕರಾಡ ಬ್ರಾಹ್ಮಣೆರ್ ದುರ್ಗೆ, ಗಣಪತಿ, ಸುಬ್ರಹ್ಮಣ್ಯೇಶ್ವರ , ಮಹಾವಿಷ್ಣು, ಶಿವ , ನಾಗ ಇಂಚ ಬೇತೆ ಬೇತೆ ದೇವೆರೆನ ಆರಾಧನೆ ಮಲ್ಪುವೆರ್. ದುರ್ಗಾಪರಮೇಶ್ವರಿಯು ದೇವಿನ್ ಪ್ರಧಾನವಾದ್ ಪೂಜೆ ಮಲ್ಪುವೆರ್. ಪರ್ವ ಕಾಲೊದ ಸಂದರ್ಬೊಡು ಆಯಾ ದೇವರೆನ ಪರ್ಬೊಲು, ವ್ರತಲೊನ್ ವಿಶೇಷವಾಯಿನ ಫಲ ಪ್ರಾಪ್ತಿಗಾದ್ ಆಚರಿಸುವೆರ್. ಚಾಂದ್ರಮಾನ ಯುಗಾದಿ, ಅಷ್ಟಮಿ , ಚೌತಿ, ಗೌರೀ ಪೂಜೆ , ಮಹಾಲಯ ಅಮಾವಾಸ್ಯೆ , ನಾಗರ ಪಂಚಮಿ , ಶರನ್ನವರಾತ್ರಿ , ದೀಪಾವಳಿ , ತುಳಸೀ ಪೂಜೆ , ಗೋಪೂಜೆ , ಬಲೀಂದ್ರ ಪೂಜೆ , ಮಹಾಶಿವರಾತ್ರಿ , ಸುಬ್ರಹ್ಮಣ್ಯ ಷಷ್ಠಿ , ವರಮಹಾಲಕ್ಷ್ಮೀ ವ್ರತ , ಅನಂತನ ಚತುರ್ದಶಿ , ನೂಲ ಹುಣ್ಣಿಮೆ , ನವಾನ್ನ ಭೋಜನ , ಇತ್ಯಾದಿಲು ಪ್ರಮುಖವಾಯಿನ ಪರ್ಬೊಲು. ತ್ರಿಕಾಲ ಪೂಜೆ , ದುರ್ಗಾ ನಮಸ್ಕಾರ , ದುರ್ಗಾ ಪೂಜೆ , ಶ್ರೀ ಸತ್ಯನಾರಾಯಣ ವ್ರತ , ಸೋಮವಾರ ವ್ರತ , ಏಕಾದಶಿ ವ್ರತ , ಪ್ರದೋಷ ಪೂಜೆ , ಶುಕ್ರವಾರ ಪೂಜೆ, ಅಶ್ವತ್ಥ ಪೂಜೆ, ನಾಗಾರಾಧನೆ, ಲಕ್ಷ್ಮೀ ಪೂಜೆಲು ಪ್ರತೀ ಇಲ್ ಇಜ್ಜಿಂಡ ತರವಾಡು ಇಲ್ ಡ್ ಕಾಲಕಾಲೊಗು ಸರಿಯಾದ್ ಮಲ್ತೊಂದು ಬರ್ಪಿನ್ ಆಚರಣೆಲು.
ಕರಾಡ ಸಮುದಾಯದ ಖಂಡೇರಿ ಅನಂತ ಶಾಸ್ತ್ರಿಲು, ಚಾಂಗುಳಿ ಸುಬ್ರಾಯ ಶಾಸ್ತ್ರಿಲು, ಗುರು ಶ್ರೀಪತಿ ಶಾಸ್ತ್ರಿಲು, ಗುರು ಕೇಶವ ಶಾಸ್ತ್ರಿಲು, ದರ್ಭೆ ಜ್ಯೋತಿಷಿ ರಾಮ ಭಟ್ಟ ಸಂಸ್ಕೃತೊಡು ಪಾಂಡಿತ್ಯ ಪಡೆಯಿನಕುಲು. ಯಕ್ಷಗಾನೊ ಕ್ಷೇತ್ರೊಡು ಬಲಿಪ ನಾರಾಯಣ ಭಾಗವತೆರ್, ಮೌವ್ವಾರು ಕಿಟ್ಟಣ್ಣ ಭಾಗವತೆರ್, ಪೆರ್ಲ ಕೃಷ್ಣ ಭಟ್ ಉಲ್ಲೆರ್. ಸಾಹಿತ್ಯ ಕ್ಷೇತ್ರೊಡು ಮಂದಾರ ಕೇಶವ ಭಟ್ರ್, ಮಾಧವ ಭಟ್ ಪೆರ್ಲ ಇಂಚಿತ್ತಿನ ನನಾತ್ ಕರಾಡ ಜನಕುಲು ಉಲ್ಲೆರ್.
ಉಪ್ಪಂಗಳ, ಚೆರ್ಕುಡ್ಲು, ಕುಂಟಿಕ್ಕಾನ, ಆಟಿಕುಕ್ಕೆ, ಕುಂಜಿರ್ಕಾನ,ನೆಕ್ಕಂಜೆ,ಬಡಕೆಕರೆ, ಇಲ್ಲದಕುಲು ಶ್ರೀ ದುರ್ಗಾಪರಮೇಶ್ವರೀ ದೇವಿನ ಗುಡಿ ಇಜ್ಜಿಂಡ ದೇವಸ್ಥಾನ ನಿರ್ಮಾಣ ಮಲ್ತದ್ ಪೂಜೆ ಮಲ್ಪುವೆರ್. ಅಂಚನೇ ಮೌವ್ವಾರು,ವಾಟೆತ್ತಿಲ ಜಾಲು,ಚಕ್ಕಣಿಕೆ, ಗುಲುಗುಂಜಿ ಕುಟುಂಬದಕುಲು ಶ್ರೀ ಸುಬ್ರಹ್ಮಣ್ಯೇಶ್ವರ ದೇವಸ್ಥಾನ,.ಸೈಪಂಗಲ್ಲು,ಅಡ್ಕಾರು,ಕೊಟ್ಟ0ಗುಳಿ ಕುಟುಂಬದಕುಲು ಶ್ರೀ ಶಾಸ್ತಾರ ಸುಬ್ರಹ್ಮಣ್ಯೇಶ್ವರ ದೇವೆರೆನ್ ಆರಾಧನೆ ಮಲ್ಪುವೆರ್. ಕಾಸರಗೋಡುದ ತೈರೆ ಕೈತಲ್ ಇಪ್ಪುನ ಶ್ರೀಮಹಾಲಕ್ಷ್ಮೀ ದೇವಸ್ಥಾನೊ, ಮುಂಡೋಳು ಕುಟುಂಬೊದ ಶ್ರೀ ಮಹಾವಿಷ್ಣು ದೇವಸ್ಥಾನೊ ಹಾಗೂ ಕುಡ್ಲದ ಶ್ರೀ ರಾಧಾಕೃಷ್ಣ ದೇವಸ್ಥಾನೊ, ಮಲ್ಲ ದುರ್ಗಾಪರಮೇಶ್ವರಿ ದೇವಸ್ಥಾನ ಕರಾಡ ಸಮುದಾಯದಕುಲು ನಡಪಾವೊಂದು ಬರೊಂದಿಪ್ಪುನ ದೇವಸ್ಥಾನೊಲು.
This article uses material from the Wikipedia ತುಳು article ಕರಾಡ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.