ಹಿಮ ದಾಸ್ ಕ್ರೀಡಾಕೂಟೊಡು ಭಾರತದ ಪರವಾದ್ ಗೊಬ್ಬುದು ಸುರುಕು ಬಂಗಾರ್ದ ಪದಕ ಗೆಂದಿನ ಸುರುತ ಅಥ್ಲೀಟ್ ಪನ್ಪಿ ಪುಗರ್ತೆನ್ ಪಡೆತಿನ ಭಾರತದ ಬಾಲೆ.
ಫಿನ್ ಲ್ಯಾಂಡ್ಡ್ ನಡತಿನ ವಿಶ್ವ ಜೂನಿಯರ್ ಅಥ್ಲೆಟಿಕ್ಸ್ ಕ್ರೀಡಾಕೂಟೊಡು ಭಾರತದ ಅಥ್ಲೀಟ್ ಹಿಮದಾಸ್ ಬಂಗಾರ್ ಗೆಂದ್ದ್ ದಾಖಲೆ ಮಲ್ತ್ದೊಲು 18 ವರ್ಷದ ಹಿಮದಾಸ್ 400 ಮೀಟರ್ ದೂರೊನು 51.46 ಸೆಕುಂಡುಡ್ ಬಲಿತ್ದ್ ಬಂಗಾರ್ದ ಪದಕೊನು ಪಡೆದ್ ಭಾರತದ ಕೀರ್ತಿ ಪತಾಕೆನ್ ದೆರ್ತ್ ಪತ್ತಿನ ಭಾರತದ ಬಾಲೆ
೯ ಜನವರಿ ೨೦೦೦ ಇಸವಿಡ್ ಹಿಮಾ ದಾಸ್ ಅಸ್ಸಾಂದ ನಾಗೋನ್ ಜಿಲ್ಲೆಡ್ ಕೃಷಿಕ ದಂಪತಿಲೆನ ಮಗಳಾದ್ ಪುಟ್ಟ್ದೆರ್. ಹಿಮ ದಾಸ್ನ ಅಮ್ಮೆರ್ ರೊನ್ ಜಿತ್ ದಾಸ್ ಬೊಕ್ಕ ಅಪ್ಪೆ ಜೊನಾಲಿ ದಾಸ್. ಮುಲ್ಕುಲೆನ ನಾಲ್ ಜೋಕುಲೆಡ್ ಸುರುತ ಮಗಳ್ ಹಿಮ ದಾಸ್.
ಹಿಮಾ ಎಲ್ಯ ಉಪ್ಪುನಗ ಫುಟ್ಬಾಲ್ ಗೊಬ್ಬೆರೆ ಸುರು ಮಲ್ತ್ದೆರ್. ಆರ್ ತನ್ನ ಶಾಲೆಡ್ ಜೋಕುಲೆನ ಒಟ್ಟುಗು ಗೊಬ್ಬುದು ಫುಟ್ಬಾಲ್ಡೆ ತನ್ನ ವೃತ್ತಿ ಮುಂದುವರಿಸವೊಡುಂದು ಎನ್ನಿದಿನಾರ್. ಬೊಕ್ಕ ಜವಾಹರ್ ನವೋದಯ ವಿದ್ಯಾಲಯದ ಶಾರೀಕ ಶಿಕ್ಷಣ ತರಬೇತುದಾರೆ ಶಮ್ಸುಲ್ ಹೋಕ್ನ ಸಲಹೆಡ್ದಾತ್ರ ದಾಸ್ ಅಥ್ಲೆಟಿಕ್ಸ್ಗೆಗ್ ಬದಲಿಸಯೆರ್ ಬೊಕ್ಕ ಎಲ್ಯ ದೂರದ ಓಟೊಡು ಪಾಲ್ ಪಡೆಪಿನೆನ್ ಸುರು ಮಲ್ತೆರ್. ಅಂತರ-ಜಿಲ್ಲೆದ ಕ್ರೀಡೆ ಬೊಕ್ಕ ಯುವಜನ ಕಲ್ಯಾಣ ನಿರ್ದೇಶನಾಲಯದ ಕ್ರೀಡಾ ಕೋಚ್ ನಿಪಾನ್ ದಾಸ್ ಹಿಮದಾಸ್ ಸಾಮರ್ತ್ಯೊನು ತೆರಿಯೊಂದು ಹಿಮಾನ್ ತರಬೇತಿಗ್ ಬೋಡಾದ್ ರಾಜ್ಯ ರಾಜಧಾನಿ ಗೌಹಾತಿಗೆ ಸ್ಥಳಾಂತರ ಮಲ್ಪೆರೆ ಪನ್ಪೆರ್. ಹಿಮಾ ದಾಸ್ ಬೊಕ್ಕ ಅರೆನ ಅಪ್ಪೆ ಅಮ್ಮ ಅಯಿಕ್ ಒತ್ತೊಂದು ದಾಸ್ ಸರಸ್ಜಾಯ್ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ನದ ಕೈತಲ್ ಬಾಡಿಗೆ ಇಲ್ಲ್ಗ್ ಪೋಯೆರ್, 400 ಮೀಟರ್ ಬೊಕ್ಕ4x400 ಮೀಟರ್ ರಿಲೇಡ್ 2018 ಕಾಮನ್ವೆಲ್ತ್ ಕ್ರೀಡಾಕೂಟೊಡು ದಾಸ್ ಸ್ಪರ್ಧಿಸದೆರ್. 400 ಮೀಟರ್ಡ್, ದಾಸ್ ಫೈನಲ್ಗ್ ಅವಕಾಶ ಪಡೆದಿತ್ತೆರ್, ಅಲ್ಪ ಆರ್ 51.32 ಸೆಕೆಂಡ್ಡ್ ಮುಟ್ಟ್ದ್ ಆಜಿನೆ ಸ್ಥಾನ ಪಡೆದಿತ್ತೆರ್, ಆರ್ 4x400 ಮೀಟರ್ ರಿಲೇಡ್ ಫೈನಲ್ಡ್ ಭಾರತೀಯ ಸ್ಪರ್ಧಿಸಿಯಾದ್ ಪಾಲ್ ಪಡೆದಿತ್ತೆರ್
ಹಿಮಾ ದಾಸ್ನ ಕೋಚ್ ನಿಪಾನ್ ದಾಸ್ ಪನ್ಪೆರ್ ಹಿಮಾ ಯಾಪಲ ತರಬೇತಿನ್ ಆಣ್ ಜೋಕುಲೆನ ಒಟ್ಟುಗು ಮಲ್ಪೆರೆ ಇಷ್ಟ ಪಡ್ಪೆರ್ ದಾಯೆ ಪಂಡ ಸಾಮರ್ಥ್ಯೊನು ಹೆಚ್ಚಿಸವುನ ಉದ್ದೇಶೊಗೋಸ್ಕರ.ಆಣ್ ಜೋಕುಲೆನ ಒಟ್ಟುಗು ತರಬೇತಿ ದೆತೊನ್ಡ ಅಕುಲೆನ ಸರಿಸಮವಾದ್ ಉಪ್ಪೆರೆ ನಮಲ ಪ್ರಯತ್ನ ಮಲ್ಪೊಲಿ ಪನ್ಪಿನ ಹಿಮಾನ ನಂಬಿಕೆ ಅಂಚನೆ ಆರೆನ ಗೆಲ್ಮೆದ ಗುಟ್ಟುಲ ಆದುಪ್ಪು.
This article uses material from the Wikipedia ತುಳು article ಹಿಮಾ ದಾಸ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.