ಕಣ್ಣಪ್ಪ :ವೀರಶೈವರ್ ಆರಾಧನೆ ಮಾಲ್ಪುನ 63 ಪುರಾತನರೆಟ್ ಪ್ರಸಿದ್ಧವಾಯಿನ.
ಅಯೆನ ಮುಗ್ಧ ಭಕ್ತಿಯಿಂಡ್ತ್ ಶಿವಗ್ ಎನ್ನ ಕಣ್ಣುನ್ ಅರ್ಪಿಸಿ ಶಿವಸಾನ್ನಿಧ್ಯೊನ್ ಪಡೆದ ಶರಣ.ತಮಿಳಿನ ಪೆರಿಯಪುರಾಣಟ್ಲಾ ಕನ್ನಡೊಡ್ ಹರಿಹರನ ರಗಳೆಡ್ ಷಡಕ್ಷರಿತ ವೃಷಭೇಂದ್ರ ವಿಜಯಡ್ ಇಂಬೆರ್ನಾ ಕಥೆ ಬರರ್ಪುಂಡು. ಈ ಕಥೆನ್ ಆದರಿಸಾತ್ ಚಲನಚಿತ್ರೊ ಸಿದ್ಧವಾತ್ಂಡ್. ಕಣ್ಣಪ್ಪ ಬೇಡ ಜಾತಿತಾಯೆ ಬೇಡರ ಕಣ್ಣಪ್ಪ ಉಂದು ಪ್ರಸಿದ್ಧಿನ್ ಪಡೆತ್ತೆ.
ಜನಜನಿತವಾಯಿನ ಈ ಕಥೆ ಇಂಚ ಉಂಡು:ಚೋಳಮಂಡಲತ ತಿರುಕಾಲತ್ತಿ (ಶ್ರೀಕಾಳಹಸ್ತಿ) ಒಂಜಿ ಶೈವಕ್ಷೇತ್ರ. ಆ ಬೆಟ್ಟ ಮಿತ್ತ್ ತಪ್ಪಲಲ್ಲಿ ಕಿರಾತರ ಗುಂಪೊಂಜಿ ಇತ್ತಂಡ್. ಅಯಿನ ಒಡೆಯ ಕಣ್ಣಪ್ಪ. ಒಂಜಿ ಸಂಜೆ ಮರದಡಿಟ್ ಮಲಗಿ ಇಪ್ಪುನಗ ಕಣ್ಣಪ್ಪನ ಕನಸಿಡ್ ಶಿವ ಬತ್ತ್ ತ್ ಆ ಕಾಡಿಟ್ ಶಿವಲಿಂಗ ಪ್ಪುನ ವಿಷ ಪಣತ್ತೆ ಅಯಿನ್ ಅನುನಯಡ್ತ್ ಪುಜಿಸೊಡ್ ಪನ್ಪೇರ್. ಕನಸು ನಿಜ ಇಪ್ಪುನಲೇಕ್ಕೊ ದೂರಡ್ ಶಿವಲಿಂಗ ತೊಜುಂಡು. ಅಯಿನ್ ತೂಯಿನ ಕಣ್ಣಪ್ಪಗ್ ಕುಷಿಯಾತ್ ಮುಗ್ಧಮನಸ್ಸ್ ಡ್ತ್ ಶಿವಲಿಂಗೊನ್ ಅಪ್ಪಿ ಎಲ್ಯ ಜೋಕುಲೆಕ್ಕೊ ಲಾಲಿಯಾರ ಪಾತೆರಿಯಾರ ಪುಜಾಕೈಂಕರ್ಯೊನ್. ಶಿವಗ್ ಆಹಾರವಾತ್ ಜಿಂಕೆ ಮಾಂಸೊನ್ ಬೇಯಿಸಿ ದೆತೊಂತು ಬತ್ತೆ, ತೂಯೆ, ರುಚಿಯಾಯಿನ ಭಾಗೊನ್ ಶಿವನ ಪಾದದಡಿಟ್ ದಿಯೇ ಯಾನ್ ಕೊಂಡ್ತ್ ಬತ್ತಿನಕ್ಕ್ ದುಂಬು ದಿನಾ ಪೂನ್ ದೆತ್ತ್ ಪೊಸ ಪೂನ್ ದೀತ್ ಪೂಜೆ ಮಾಲ್ಪಯಾರ ಸುರ್ ಮಾಲ್ತೆ. ಅಪಗ ಅಯರಗ್ಉ ಸಿಟ್ಟ್ ಬತ್ತ್. ಆ ದುಂಬೆ ವಿಧ್ಯುಕ್ತವಾತ್ ಪೂಜೆ ಅಯಿನ ಲಿಂಗಗ್ ತರೆನ್ಯ ಮಿತ್ತ್ ಪೂನ್ನುಎನ್ನ ಕೆರದ ಕಾಲಿಂಡ್ತ್ ಅಂಚಿಗ್ ನೂಕಿ ಎನ್ನ ಬಾಯಡ್ ನೀರನ್ ತುಂಬಿ ಉಂದು ಲಿಂಗಕ್ಕ್ ಅಭಿಷೇಕ ಮಾಲ್ತೆ ಯಾನ್ ಮುಡಿದಿದ್ದ ಪೂನೆ ಸೂಡಿ ಮಾಂಸೊನ್ ನೈವೇದ್ಯ ಮಾಲ್ತೆ. ಅಕಳಂಕ ನಿಸ್ಸ್ವಾರ್ಥ ಭಕ್ತಿಯಿಡ್ತ್ ಮಾಲ್ತಿನ ಈ ಪೂಜೆಯೆಡ್ತ್ ಶಿವ ಸಂಪ್ರೀತ ಅತೆ. ಇಂಚನೆ ಪೂಜಾವಿಧಾನ ಎಪೊಲಾ ನಡೆತ್ತ ಇಪ್ಪುಂಡು. ಶಿವದೇವಾಲಯಟ್ ನಿತ್ಯೊ ಮಾಂಸ ಮೂಳೆನ್ ತೂತ್ ಪೂಜಾರಿ ಭಯ ಬತ್ತ್ ಪಾತಕಿನ್ ಪತ್ತೆಮಾಲ್ಪಯಾರ ಒಂಜಿ ದಿನ ಲಿಂಗತ ಪಿರಾ ಅಡಂಗಾತ್ ಕುಳಳಿಯೆ ಕಣ್ಣಪ್ಪ ಮಾಲ್ಪುನ ವಿಚಿತ್ರ ಲಿಂಗಪೂಜೆನ್ ತೂತ್ ಕೆಂಡವಾತ್. ಕಣ್ಣಪ್ಪನ ಪೂಜಾನಿಷ್ಠೆನ್ ಪೂಜಾರಿಗ್ ಆ ಮೂಲಕ ಲೋಕಕ್ಕ್ ಪ್ರಕಟ ಮಾಲ್ಪೊಡ್ ಈ ಬಗೆಟ್ ಶಿವ ಎನ್ನ ಕಣ್ಣಿಡ್ತ್ ನೀರು (ಬೇರೆ ಕಥೆಲೆಕ್ಕೊ ರಕ್ತ) ಬರ್ಪುಂಡು. ಶಿವ ದುಃಖಕ್ಕ್ ಕಾರಣೊನ್ ತೆರಿದ್ ಕಣ್ಣಪ್ಪ ಮಸ್ತ್ ಪೇಚಾಡಿ ಉಂದ್ ದಾನೋ ಕಣ್ಣಿ ರೋಗ ಇಪ್ಪೊಡ್ ಪಂಡೆ ಎನ್ನ ನಿರ್ಮಲವಾಯಿನ ಕಣ್ಣನ್ ಬಾಣತ ಮೊನೆಡತ್ತ್ ದೆತ್ತೆ ನೀರೊಸರುತ್ತಿದ್ದ ಶಿವನ ಕಣ್ಣಿದ್ದ ಕಡೆಗ್ ತೂಪೆ ಆ. ಕ್ಷಣಟ್ ಕಣ್ಣು ಬರ್ಪುನ ಣಿರ್ ಉಂತುಂಡು. ಆಂಚನೆ ಶಿವನ ಬುಕ್ಕೊಂಜಿ ಕಣ್ಣು ಜಿನುಗಲು ಪ್ರಾರಂಭ ಅಪುಂಡು. ಆಪಗ ಕಣ್ಣಪ್ಪ ಎನ್ನ ಕಾಲ್ನ ಉಂಗುಷ್ಠೊನ್ ಗುರುತಿಸಾತ್ ಶಿವನ ಕಣ್ಣಿಗ್ ಕೊರ್ಯಿಯೆ ಎನ್ನ ಬುಕ್ಕೊಂಜಿ ಕಣ್ಣನ್ ದೇತ್ತ್ ದಕ್ಕಿಯೆ. ಮುಗ್ಧ ಭಕ್ತನ ಅದ್ವಿತೀಯ ತ್ಯಾಗಗ್ ಶಿವ ಪ್ರಸನ್ನ ಅಪೆ. ಕಣ್ಣಪ್ಪ ದೆತ್ತನಾ ಕಣ್ಣುನ್ ಪಡೆಪ್ಪೆ. ಲಿಂಗತ ಪಿರಾ ಕುಳ್ಳಿನಾ ಪೂಜಾರಿ ಪಶ್ಚಾತ್ತಾಪಡ್ತ್ ದುಂಬು ಬತ್ತ್ ಕಣ್ಣಪ್ಪನ ಹೃದಯ ತುಂಬಿ ಬತ್ತ್ಪ್ರೀತಿ ಮಾಲ್ಪೇ ಅಯಿಡತ್ ಬುಕ್ಕ ಕಣ್ಣಪ್ಪನ ಕಥೆ ಲೋಕಪ್ರಸಿದ್ಧವಾಪುಂಡು.
This article uses material from the Wikipedia ತುಳು article ಕಣ್ಣಪ್ಪ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ಪ್ರತ್ಯೇಕವಾದ್ ಉಲ್ಲೇಕ ಮಲ್ಪಂದೆ ಇತ್ತ್ಂಡ, ವಿಸಯ "CC BY-SA 4.0" ದ ಅಡಿಟ್ ಲಬ್ಯ ಉಂಡು. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ತುಳು (DUHOCTRUNGQUOC.VN) is an independent company and has no affiliation with Wiki Foundation.