Taks
Die Taks (Meles meles) is ne Oard fon Modder.
| Taks | ||||||||||||
|---|---|---|---|---|---|---|---|---|---|---|---|---|
 Taks (Meles meles) | ||||||||||||
| Systematik | ||||||||||||
|
Hie is, wät oawers striedich is, fielicht ju eensichste Oard fon dän Sleek Meles. In ju Fäksproake naamt me sun Taxon, dät der bloot een Unnertaxon häd, n monotypisk Taxon. Buute ju Nominatfoarm rakt dät ook ju Unneroard Meles meles anakuma uut Deele fon Japan. Wan disse Unneroard nu, as moonige Wietenskuppere leeuwe, daach ne oaine Oard is, is die Sleek daach nit monotypisk.
Määrkmoale
Die Taks häd ne Kop- un Rumploangte fon 56 - 90 cm, ne Stäitloangte fon 11,5 - 20,2 cm un n Gewicht fon normoal 10 - 16 kg. Juu Bupperkaante fon n Taks is gries, juu Unnerkaante mäd juu Kääle dunker. Die Taks häd ap älke Siede fon dät in't algemeen wiete Gesicht n dunkeren Loangsstriepe.
Lieuwendsruum
Dät rakt Takse ap dät Fäästlound fon Europa, ap do britiske Ailounde, ap moonige Middelmeer-Ailounde (toun Biespiel Kreta, Rhodos un Sizilien). Dät rakt uk Takse in Asien, nämmelk in Japan, Palästina, Iran, Tibet un in dät suudelke China. In düt Gebiet kumt hie in Woolde un uur ticht bewoaksene Loundskuppe foar. Deer lieuwet hie in Baue unner ju Äide. Mongs woonje n Taks un n Foaks in dän sälgen Bau!
Kost
Die Taks is n Allesfreeter, dät hat, hie frät Flaask un vegetariske Kost. Gnauer gekweeden frät hie litjere Suugedierte, Fuugele, Poagen, Moaden fon Iemen un Häspen, Sniggen, Oas, Nuuten, Äkkenen, Bäien, uur Fruchte, Säid, Knullen, Stubben un Piltse.
Unneroarden
- Meles meles meles, ju Nominatfoarm
- Meles meles anakuma uut Deele fon Japan
-
N uutstoppeden Taks fon ju Unneroard Meles meles meles -
N lieuwenden Taks fon ju Unneroard Meles meles anakuma
Sjuch uk
 | Klik hier foar moor touheerige Mediendoatäie ap Wiki Commons. |
Wällen
Oankelde Ätterwiese
Uur Wällen
- Ronald M. Nowak: Walker's Mammals of the World Sixth Edition, ISBN 0-8018-5789-9
This article uses material from the Wikipedia Seeltersk article Taks, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Seeltersk (DUHOCTRUNGQUOC.VN) is an independent company and has no affiliation with Wiki Foundation.