Intonation is in ju Linguistik n Deelberäk of n Määrkmoal fon ju Prosodie.
In ju Phonetik ferstoant me unner Intonation dän woarnuumenen, tiedelken Ferloop fon ju Toonhööchte binne n Woud (Woudmelodie), n Sats of n Spreekakt. Intonation wäd falskerwiese oafte gliekstoald mäd ju Prosodie, is oawers in äängeren Sin bloot n Deel deerfon. In Juunsats tou Toone wäd Intonation nit ferwoand uum Woude fonnunner tou unnerskeeden. Daach kon dät ju Betjuudenge fon n Sats betoonje of ferdüütelkje. In fuul Sproaken rakt dät n Unnerskeed in ju Intonation fon Froagesatse un Uutkweedesatse. Toonsproaken as dät Chinesiske ferweende Intonation un Toone uum Betjuudengsunnerskeed twiske Woude ountoureeken. Intonation in ju Sproake wäd betrachted as n Oard Köärpersproake. Me boalt deerbie uk wäil fon Stämsproake of Paralinguistik.
Jörg Peters, Saterfrisian intonation An analysis of historical recordings In: Us Wurk 57 (2008) 141-169
This article uses material from the Wikipedia Seeltersk article Intonation (Sproakwietenskup), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Seeltersk (DUHOCTRUNGQUOC.VN) is an independent company and has no affiliation with Wiki Foundation.