Fräisken Räid

• 1925: Eerste Fräisenkongres in Jever
• 1952: Eerste Fräisenkongres ätter dän twäide Waareldkriech
• 1955: Fräisk Manifest
• 1956: In Leer wäd dän Fräiske Räid formäl gruunded
• 1981: Die ‘Fryske Rie’ wäd in Wääst-Fräislound formäl gruunded
• 1999: Aal do fräiske Räide oarbaidje unner dän Noomn ‘Interfriesischer Rat e.V.’
• 2006: Tou dän füüftichste Jierdai roat ju Buundesrepublik Düütsklound n Sunnerbräifmäärk uut

Aal do tjo Jiere organisiert die Fräisenräid, bit dän Eend fon n Räidfoarsitperiode, dän Fräisenkongres in een fon do tjo fräiske Lounde. Een Jier leeter wäd dät Fräisenmäiten of Fräisen-Droapen ap Hälgelound organisierd, wier in n Truchsleek sowät 500 Ljuude kuume. Wichtige reguläre Aktivitäten fon dän Fräiske Räid sunt do Beroupsgruppenträffen, wier unnerskeedelke Gruppen so as Buuren, Loundwieuwe, Studente, Koastere un Lokoalpolitikere an deelnieme.

 

In 2007 wuude fon ju Gruppe fon Auerk ap Hälgelound n Konsept foar ne Interfräiske Flaage präsentierd. Ju Flaage wuude nit fon dän Interfräisken Räid as offizielle Flaage annuumen. Two Jiere ätter ju Gruppe fon Auerk präsentierde dän Interfräiske Räid sien oaine interfräiske Flaage in n Juni 2009. Ju Flaage fon dän Interfräiske Räid is ne Kompromisflaage fon do Flaagen fon Fryslân, Friislon un Aast-Fräislound. Disse Flaage wuude oaber fon dän Fryske Rie foar Heraldyk ouliend.

Alfred Pörschke uut Skäddel is die Fertreeder fon Seelterlound in dän Fräiske Räid, Sektion Aast.

• Steensen, Hemminga, van Lengen: Die Frieslande, Verlag Nordfriisk Instituut 2006, ISBN 978-3-88007-333-3

• Interfräiske Räid
• Fräiske Räid Sektion Noud
• Fräiske Räid Sektion Wääst
• Fräiske Räid Sektion Aast
• Wir Friesen, Rääde truch Jan Piebenga ap dän Fräisken Kongres in Auwerk, 1955