In Seelterlound wuude altied fuul fertäld un bit däälich heert me dät noch wäil.
Fuul fon do Fertälstere of Dööntjene (dt. Volkserzählungen, Sagen) sunt apteekend wuuden un so bewoard blieuwen. Do hääbe maast Motive do der uur gans Europa foarkuumen dwo, man bietiede sunt do in Seelterlound ap ne apaate Wiese uutoarbaided.
10 Fon n Machannelboom, wieroun ju läipe Stäifmuur stroafed wäd, ju dän litje Bruur unner n Machannelboom begreeuwen hiede. (uursät ätt Grimm)
19 Die Buur un sin Iesel. Die Iesel wäd dän beseepene Buur stäälen un dan nimt aan fon do Däiwe dän Toom in de Muule un moaket dät Buur wies dät hie in n Iesel ferwonsked weesen waas!
21 Knäppele uut n Säk. Die äärme Bruur kricht fon dän Düüwel n Hoone die der Jäild schit, n Disk die sik däkket un Knäppele do der slo. Die rieke Bruur wol dät aal uk hääbe un kricht dät uk, wan wäd dan läip fon sien oaine Knäppele ferhauen.
32 Die Käärel in e Moune. Dät schäl n deerwai ferwonskeden Gaudäif weese.
38 Die Wänt mäd sien träi Huunde. Die tuuskede tjo Skäipe foar träi Huunde, do him truch groote Ääwentüüre toun Swiegersuun fon dän Köönich moakeden.
46 Fon dän Köönichssuun, die der fljoogen leerd hiede. Die hilkede uk n Köönichsdochter.
50 Fon dän Wänt, die nit bong waas. Uk nit fon wonnerjenden Dooden, dät n Groaf waas, die him dän Koai tou n Kiste mäd Jäild roate.
55 Dokter Alwieten. So naamde sik Jan, as hie meende dät hie uk wäil n Rezept schrieuwe kuude. Dan lööst hie toufällich ne Däiweräi un wäd goud beloond.
57 Die Pastoor ferdrift dän Düüwel uut n Mon in n Bulle oun, die sik ferdrinkt in dät Bullemeer.
58 Die Pastoor läit n Wiergunger ätter dät Bullemeer brange, wier hie Heede tälle schäl.
59 Aan die der altied Jäild nouch häd, un neemens weet wierhäär, die schäl n Oalruun hääbe.
60 Fertält wo me n Spächt n Springwuttel hoalje läite kon, wiermäd me alles eepenkricht.
60 So kon me uk n Rouk n Kuugel hoalje läite, die der uunsichtboar moaket.
61 So kricht me n Lucht, wierbie neemens apwoaket.
62 Die Pastoor un sin Koaster. Die Koaster nimt bielitjen dän Pastoor sien Swien, sien Brood, sin Okse un sin Kool.
69 Fon t Koolich, dät n Käärel apfreeten hiede. N Mon meende, hie hied n Koolich kriegen, un do büülde hie uut. Man hie hiede fon de Galge n poor Stöäwele mädsamt do Beene meenuumen un do meenden jo, dät Koolich hied dän Käärel apfreeten.
This article uses material from the Wikipedia Seeltersk article Fertälstere, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Seeltersk (DUHOCTRUNGQUOC.VN) is an independent company and has no affiliation with Wiki Foundation.