6. Meerte: Doatum
Die säkste Meerte is die fieuwunsäkstichste Dai in dän gregorioanske Kalänner (die säksunsäkstichste in Skaltjiere) somäd blieuwe deer noch tjohunnert Deege bit dät Jierseende tou.
Skjoonisse
- 1520: Ousoande fon do Deenske un die Sweediske Rieksräid eenigje sik deer ap, dät die deenske un norweegiske Köönich Christian II. uk Köönich fon Sweeden wäd. Man bloot unner do Bedingengen, dät dät een aalmeene Amnestie rakt un dät die Rieksräid dän Ienfloud kricht, die in dän Rezess fon Kalmar uutmoaked waas. Man do Ounhongere fon dän dooden Rieksferwalter Sten Sture sunt deer juun un staale in ju Foulgetied een Troppe fon Buuren uut Västmanland un Dalarna juun do Deenske ap.
- 1834: Dät foarige York, Haudstääd fon ju britiske Provinz Bupperkanada oun ju Noudkuste fon dän Ontariosee, wäd in Toronto uumebenaamd. Ap dän 27. Meerte wäd William Lyon Mackenzie eersten Buurmääster fon ju Stääd.
- 1836: Ätter ju trättien Deege duurjende Slacht fon Alamo juun een Uurmoacht fon ju 3000 Mon stäärke mexikoanske Armee wäide do 189 Fräiwilligere fon do Texoanere sloain un dät Fort Alamo iennuumen.
- 1902: Amtelke Gruundenge fon dän Foutbaalfereen Real Madrid
- 1919: Dät Wät uur ju Bieldenge fon een foarloopende Rieksweer jält.
- 2009: Andry Rajoelin, Anfierder fon do Protäste juun ju madagassiske Regierenge, un Boas fon ju sälwen uutruupene Juunregierenge, fluchtet in ju frantsööske Boskup.
- 2010: Pyt Kramer wäid Eerenmeelid fon dän Seelter Buund
Tou Waareld keemen
- 1459: Jakob Fugger die Rieke, aan bekoanden Augsbuuriger Koopmon.
- 1475: Michelangelo Buonarroti, italieensken Kunstler in ju Renaissance.
- 1586: Lucas Cranach III., düütsken Moaler
- 1787: Joseph von Fraunhofer, düütsken Optiker un Physiker
- 1831: Friedrich von Bodelschwingh (die Allere), evangeelsken Pestoor uut Wäästfoalen, bekoand foar sien Wierkjen in ju Binnere Mission.
- 1923: Hajo Hayen, Koaster un Foanarchäologe uut Idafeen
- 1929: Günter Kunert, düütsken Skrieuwer.
- 1953: Natália do Vale, een brasilioanske Film-Deerstaalerinne
Stuurwen
- 2003: Saba Youakim, libanesisken Äärts-Biskop fon Petra un Philadelphia (Jordanien)
This article uses material from the Wikipedia Seeltersk article 6. Meerte, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Seeltersk (DUHOCTRUNGQUOC.VN) is an independent company and has no affiliation with Wiki Foundation.