Carl Gustaf Nyström (21.
uđđâivemáánu">21. uđđâivemáánu 1856 Helsig, Suomâ stuorrâfurstâkodde – 30. juovlâmáánu 1917 Helsig, Suomâ) lâi syemmilâš arkkiteht, rehtor já arkkitehtuur professor.
Carl Gustaf Nyström šoodâi uđđâivemáánu 21. peeivi 1856 Helsigist, Suomâ stuorrâfurstâkoddeest. Suu eeči lâi pooliskonstaabel Gustaf Nyström já suu enni lâi Fredrika Grönroos. Gustafist lâi ohtâ viljâ Alexander Rogatus Nyström, kii lâi meid arkkiteht.
Ive 1881 sun naajâi Augusta Maria Lovisa Melanáin (1858–1940). Sunnui šoddii vittâ párnáá: Carl Gustaf August (1882–1930), Arvid (1883–1892), Ingrid Hildur Augusta (maŋeláá Sahlberg; 1886–1977), Carin (1888–1979) já Per Gabriel Gustaf (1896–1966).
Nyström luuvâi arkkitehtuur el. professor Frans Sjöströmáin Suomâ polyteknisâš škoovlâst, kost sun valmâštui arkkitehtin ive 1876. Sun lâi ohtâ vuossâmuin oppâlájádâs škovlim arkkitehtijn. Tälviv 1878–1879 sun lâi fabrikstiivrâ stipendiaatin Wienist, kost sun luuvâi arkkitehtuur professor Heinrich von Fersteláin. Nyström hárjuttâlâi Sjöström arkkitehttoimâttuvvâst. Sjöström jaamij ive 1885, mon maŋa Nyströmist šoodâi polyteknisâš škoovlâ máttáátteijee. Sun máttááttij vistig rakânâshuksim já ive 1885 rääjist sun tooimâi huksimtaiđuu adai arkkitehtuur puárásub máttáátteijen. Ive 1896 Nyströmist šoodâi professor. Taat virge lâi Suomâ vuossâmuš arkkitehtuur professuur. Ive 1908 polyteknisâš škoovlâst šoodâi Teknisâš ollâškovlâ, já Nyströmist šoodâi oppâlájádâs rehtor.
Wiki Commonsist láá koveh teikkâ eres tiätuvuárháh fáádást Gustaf Nyström. |
This article uses material from the Wikipedia Anarâškielâ article Gustaf Nyström, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.