Slovakia (slovakiakielân Slovensko) ađai Slovakia täsiväldi (slovakiakielân Slovenská republika) lii jiečânâs staatâ Koskâ-Euroopist.
Ton uáivikaavpug lii Bratislava. Ive 2022 Slovakiast assii 5 460 185 olmožid. Slovakia ránnjáenâmeh láá Tšekki, Puola, Ukraina, Uŋgar já Nuorttâriijkâ.
Slovakia täsiväldi Slovenská republika (slovakiakielân) | |
---|---|
lippu | vaakun |
Slovakia sajadâh Euroopist | |
Staatâhäämi | täsiväldi |
President | Zuzana Čaputová |
Uáiviminister | Eduard Heger |
Uáivikaavpug | Bratislava |
Ässeeloho (2022) | 5 460 185 |
Virgáliih kielah | slovakiakielâ |
Vaaluut | euro (EUR) |
Äigi | UTC+1 |
– kesiäigi | UTC+2 |
Uánádâs | SK |
– fiävruin | SK |
– kirdemmašinijn | OM |
Sundenummeer | +421 |
Internet TLD | .sk |
Aalmuglâšlaavlâ | Nad Tatrou sa blýska |
|
Slovakia šoodâi jiečânâssân uđđâivemáánu 1. peeivi 1993, ko Tšekkoslovakia pieđgânij. Njuhčâmáánu 29. peeivi 2004 Slovakia seervâi NATOn, já suulân ohtâ mánuppaje maŋeláá tot seervâi meid Euroop unionân. Ive 2007 Slovakia seervâi Schengen-kuávlun, já ive 2009 aalgâst tot seervâi meid eurokuávlun.
Slovakia lii Koskâ-Euroopist. Ton taavaakeččin lii Puola, nuorttiibeln Ukraina, máddáákeččin Uŋgar, viestârist Nuorttâriijkâ já taveviestârist Tšekki. Slovakia vijđodâh lii 49 035 km², mast 0,72 % lii čääci.
Slovakia lii parlamentaarlâš täsiväldi. Tot lii ohtâsâšstaatâ, mast láá kulmâ haaldâtlâš tääsi staatâ vuoluubeln: kuávluh, pirrâduvah já kieldah. Ton staatâhovdâ lii Slovakia president, kii lii ive 2019 rääjist lamaš Zuzana Čaputová.
Kuávluh (slovakiakielân kraj) láá Slovakia alemuu tääsi kuávluhaldâttâhohtâdâh. Kuávluh juáhhojeh pirrâduvváid (slovakiakielân okres) já pirrâduvah kieldáid (slovakiakielân obec).
Lippu | Vaakun | Kuávlu | Uáivikaavpug | Ässeeloho (2022) | Vijđodâh (km2) | Ässeesaahâdvuotâ | NUTS tääsi 3 | Jeessânmeeri kuávlurääđist |
---|---|---|---|---|---|---|---|---|
Bratislava | Bratislava | 664 000 | 2 052,6 | 321,34 | SK010 | 50 | ||
Trnava | Trnava | 556 000 | 4 172,2 | 135,08 | SK021 | 40 | ||
Trenčín | Trenčín | 577 000 | 4 501,9 | 130,14 | SK022 | 47 | ||
Nitra | Nitra | 682 000 | 6 343,4 | 106,67 | SK023 | 54 | ||
Žilina | Žilina | 685 000 | 6 808,4 | 101,54 | SK031 | 57 | ||
Banská Bystrica | Banská Bystrica | 651 000 | 9 454,8 | 68,52 | SK032 | 49 | ||
Prešov | Prešov | 831 000 | 8 974,5 | 91,92 | SK041 | 62 | ||
Košice | Košice | 795 000 | 6 751,9 | 118,32 | SK042 | 57 | ||
Ohtsis | 5 441 000 | 49 035 | 111,3 | 416 |
|
|
This article uses material from the Wikipedia Anarâškielâ article Slovakia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.