Ávvir
Ávvir lii orjâlâškielâlâš páihálâšaavis, mii almostuvá sehe pävirversion já šleđgâlâš häämist.
Tääl pááppáraavisin almostuvá vuossaargâst vástuppiäiván já digiaavisin masa jyehi peeivi. Aavisist láá uđđâseh, uáivileh, makkuuttâsah, podcasteh já almottâsah.
Kove: Taažâ sämmilij riijkâservi
Historjá
Ávvir šoodâi, ko kyehti orjâlâškielâg aavis – kárášjuvlâš aavis Min Áigi já kuovdâkiäinulâš aavis Áššu – ovtâstuvvii. Vuosmuš pááppáraavis nummeer almostui kuovâmáánu 6. peeivi 2008. Aavis noomâ, mii meerhâš orjâlâškielân huolâ anneem, iävtuttij Láilá Susanne Vars.
Aalgâst aavis almostui tuše kulmii ohhoost, mut porgemáánu 12. peeivi 2008 rääjist tot almostui vittii ohhoost majebaargâst lávurdâhân. Suulân 10 ive maŋa aavis almostuuškuođij vuossaargâst vástuppiäiván, tastko Taažâ postâ ij innig toimâttâm maiden paihijd lávurduvâi.
Njuhčâmáánust 2015 almostui vuosmuš nettinummeer.
Toimâttâs já uáivitoimâtteijeeh
Uáivitoimâtteijeeh
| Paje | Uáivitoimâtteijee |
|---|---|
| 2008 | Ante Bals |
| 2009 | Svein Nordsletta |
| 2009–2013 | Sara Beate Eira |
| 2013– | Kari-Lisbeth Hermansen |
Pävir- já digiaavis vijđáttâh ohtsis
Taan ivvááš sämmilâš -palhâšume
Taan ivvááš sämmilâš -palhâšume lii palhâšume, mon Ávvir juáhá sämmilâžân. Vyeittest merideh aavis lohheeh.
Käldeeh
Liŋkkâ
This article uses material from the Wikipedia Anarâškielâ article Ávvir, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisältö on käytettävissä lisenssillä CC BY-SA 4.0, ellei toisin mainita. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Anarâškielâ (DUHOCTRUNGQUOC.VN) is an independent company and has no affiliation with Wiki Foundation.