نذیرفیض مڳی دا مزاح
استاد فیض نذیر مڳی مزاحیہ طبیعت دے مالک ہن۔ انہاں دے کجھ واقعات پیش خدمت ہن۔
١۔ ہک دفعہ استاد نذیر تھاݨے کہیں دا موٹرسائیکل چھڑاوݨ سانگے ڳئے تاں پولیس والیں معذرت کیتی جو اڄ منشی صاحب دا پیو فوت تھی ڳئے او اڄ چھٹی تے ہن تساں کل آواہے
استاد نزیر کھل پئے تے اکھیس ۔
"یار اڄ پتہ لگے جو پولیس والیں دا وی پیو ہوندے"
(٢ )
ہک دفعہ استاد صاحب کنوں کہیں پچھیا
مرشد تہاݙی عینک کتلاں نمبر دی ہے
آکھݨ لآے
"ایں عینک دے شیشےآخری
نمبر دے ہن تے ہُݨ میں اکھیں
وٹویساں"
(٣)
ہک رمضان اچ استاد ہوریں ہائی ایس وچ سفر پئے کریندے ہن انھاں دے نال ݙو ݙارھی والے ٻیٹھے ہن استاد صاحب حسبِ عادت سگرٹ بکھائی تاں ݙاڑھی والیں جلدی جلدی آکھیا اوئے اوئے تیکوں پتہ نئیں ساکوں روزہ اے
"استاد سئیں فرمایا ݙرا تاں ایویں ݙتے وے جیویں روزہ نہ پٹرول رکھی ٻیٹھے ہوو"
(٤)
ہک دفعہ استاد نذیر فیض سئیں ھک ٻُڈھڑی تریمت کوں موٹر سائیکل ونڄ ماری او تریمت کوڑیج پئی تے آکھس توں بریک نہ مار سڳدا ہاویں
استاد صاحب آکھیا
"اماں پورا موٹر سائیکل تاں ان ماریم بریک وت انج ماراں ہا"
(٥)
ہک واری استاد صاحب کنوں کہیں پچھیا
مرشد تہاݙی عمر چوکھی ہے
آکھݨ لڳے پاکستان دا سینگا ہاں
اوکوں ادھ رنگ فالج ہے تے میکوں دمہ ہے
ݙیکھو پہلے کون ویندے!!!
(٦)
ہک ݙینہہ مولوی عبدالخالق صاحب عبدالسمیع مجاز صاحب اتے استاد نذیر فیض سئیں کٹھے ٻیٹھے ہن
ہک بندے مولوی صاحب کنوں پچھیا
"سئیں قرآن وچ کیڑھی کیڑھی شئے حرام اے"
ایں کنوں پہلے مولوی صاحب کئی جواب ݙیندے
استاد فیض ستت جواب ثتا
"میݙے کیتے تاں مجاز دے گھر دی روٹی حرام اے"
(٧)
ہک دفعہ استاد صاحب دے گھر مہمان آڳئے
بندہ گھروں چاہ چاء آیا لیکن کپ گھٹ تھی ڳئے
زور دا پتر کوں آکھیو نیں!!!
"ابا کپ تھوڑے ہن تے بھیݨ کپ ڈھیر ان"
(٨)
استاد نذیر فیض دی کتاب تے پابندی لڳی تاں نذیر خان لغاری انٹرویو گھدا تے پچھیا جو
استاد نذیر فیض صاحب
تہاݙا وݙا پتر کیا کریندے؟
استاد نذیر فیض آکھیئے
میݙا وݙا پتر
"میݙا آکھݨ نئیں منیندا"
(٩)
ہک دفعہ استاد نذیر فیض مگی کتھائیں مشاعرے تے ویندے پے ہن تے رستے اچ ہنیں دا ہک دوست گنڈھریاں گھن آیا
استاد فیض آکھیا
"ابا ݙند تے کینی بس تلے ݙے میں سڑک چٹیساں"
(١٠)
استاد فیض نذیر مگی صاحب کولوں کہیں پچھا
سئیں سگریٹ چھوڑ ݙیوو تاں کیا تھیسی
انہاں ولدا ݙتا " سگریٹ ڈھہہ پوسی ٻیا کیا تھیسی"
This article uses material from the Wikipedia سرائیکی article نذیرفیض مڳی دا مزاح, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.