ناہید اختر
ناہید اختر ہِک پاکستانی پس پردہ ڳائیکہ ہِن۔ 1970ء وِچ پہلا ڳاݨاں ریڈیو پاکستان ملتان کِیتے ڳایا وَت اَݨ ڳِݨت فِلماں اَتے ڈرامیاں کِیتے اردو تے پنجابی ڳاݨے ریکارڈ کروائے، 1992ء وِچ ایں فن کوں چھوڑ تے گھروڳی حیاتی لنگھاوݨ لڳّی۔ انھاں کوں 2007ء وِچ صدارتی ایوارڈ برائے حسن کارکردگی مِلّیا۔ 1974ء، 1975ء اَتے 1985ء وِچ نگار فلم ایوارڈ مِلّیا۔
اِنّھاں نے 1986ء وِچ ڳائیکی چھوڑ ݙتّی کیوں جو اِنّھاں کوں اَرام دی لوڑ ہئی۔
حیاتی دا احوال
ابتدائی حیاتی
ناہید اختر 26 ستمبر 1956ء کوں ملتان وِچ ڄَمّی ہئی۔
ذاتی حیاتی
ناہید اختر نے 1994ء وِچ صحافی آصف علی پوتا نال شادی کر گِھدّی ہئی.اِنّھاں نے ہِک مرتبہ انٹرویو دے ویلے ݙسایا جو شادی دی وجہ کنوں اُنّھاں نے ڳاݨے کوں نئیں چھوڑیا۔ بھان٘ویں جو اُوہ ڳاݨاں جاری رکّھݨ چاہن٘دی ہئی جاں جو اُوہ اپݨے ٻالاں دی ݙیکھ بھال وِچ رُجھ ڳئی۔
موجودہ حیاتی
ناہید اپݨے ٻالاں دے نال مصروف رہن٘دی ہِے اَتے خاص طور تے اپݨے پئے آصف علی پوتا دے فوت تِھیوݨ دے بعد اُوہ ڳاݨے دے پیشے وِچ سرگرم عمل کائے نِھیں۔ ناہید اختر دے پئے آصف علی پوتا دا 8 جولائی، 2017ء کوں 55 ورھیاں دی حیاتی وِچ دِل دے دورے نال انتقال تِھیا۔
کُجھ دُھم پاوݨ آلے ڳاݨے (اردو)
- یہ رنگینی نو بہار اللہ اللہ
- تھا یقین کہ آئیں گی یہ راتاں کبھی
- کسی مہرباں نے آ کے میری زندگی سجا دی
- چھاپ تلک سب چھین لی رے
- ایسے موسم میں چپ کیوں ہو
- یہ دنیا رہے نہ رہے میرے ہمدم
- کچھ ان کی جفاؤں نے لوٹا
- تم سے الفت کی تقاضے نہ نبھاے جاتے
حوالہ جات
ٻاہرلے جوڑ
- انٹرنیٹ مووی ڈیٹابیس (IMDb) پر ناہید اختر ، Naheed Akhtar filmography, Retrieved 15 May 2016
This article uses material from the Wikipedia سرائیکی article ناہید اختر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.