سرائیکی وسیب دے قصے سادگی، بے ساختگی، وسیب نال ڳوڑھے ڳانڈھے، دلچسپ واقعات، مبالغہ آرائی زبان دے ورتارے، دلچسپ قصے دی ابتداء دی وجہ نال ٻہوں مقبول ہن۔ ایہ لوک قصے وساخ، چوکی، ڈیرے، ٻیٹھک یا گھراں وچ بزرگاں کولوں سݨے ویندن۔ قصے دے ہیروز دے حوصلے، ہمت توں سبق آموز ڳالھیں ملدن۔ انہاں قصیاں وچ مافوق الفطرت کردار، جِن، پریاں، دیہہ شامل ہوندن۔
لوک قصیاں دا کوئی حد بنا نھیں ہوندا، ایہ علاقے، جغرافیے دے پابند نھیں ہوندے۔
واہ واہ ہے اللہ بادشاہ ہے، سِدھا راہ ہے، دل دریا ہے، کاغذاں دی ٻیڑی ہے، کبوتر ملاح ہے، لوک پئے چڑھدن ساݙی صلاح ہے۔
سچ دی چھاں اے، کوڑ دی سیج اے، مَئی کویلی سُتی پئی اے، اُٹھ سراندی رکھی پئی اے، اُتوں ڈٹھا ہاتھی، آکھے کہڑاہیں وے مویا لونگ کریندا۔ سڄݨاں دی کچاہری اے۔ جوگی والی پھیری ہے۔ بندہ خاک دی ڈھیری اے۔ دنیا تیری اے نہ میری اے۔ اڄائی بندہ، بندے دا ویری اے۔
اللہ اللہ وقت سَوّلا، سُتیاں دی خیر اتے جاڳدیاں دا بھلا۔ ڳالھ ایں مذکور اے۔ سُݨی میں ضرور اے۔ اللہ ڄاݨے سچ اے یا کُوڑ اے،پر سڄݨاں دا مُل پاوݨ دستور اے۔ قصے دا اختتام کجھ ایں ہوندے۔
This article uses material from the Wikipedia سرائیکی article لوک قصّے دا منڈھ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.