سرائیکی دے ݙو وݙے لہجے ڄٹکی تے ملتانی ہن، باقی سارے لہجے انہاں ݙو اچوں ہی کہیں ہک دا حصہ ہن۔
ملتان، مظفرگڑھ، بہاولپور، دیرہ غازی خان، دیرہ اسماعیل خان، میان٘والی، خوشاب، بھکر، صحبت پور، ضلع بار خان تے درگ وچ سرائیکی دا معیاری لہجہ الایا ویندے۔ یعنی ملتانی، ریاستی، تھلوچی، ڈیروی، لموچڑی تے خیلوی لہجے بنیادی طور تے ملتانی لہجہ ہی ہن صرف علاقائی طور تے ناں انج ہن جیہڑے ہݨ متروک تھی ڳن۔ سرائیکی زبان دے ویہہ ہزار کنوں ودھ شاعر ہن۔
رحیم یار خان، راجن پور، کشمور تے گھوٹکی دے اضلاع وچ سرائیکی دا لمے آلا لہجہ ٻولا ویندے. ایں لہجے تے سندھی زبان دے اثرات ہن مگر اے وی ملتانی سرائیکی دا ہک ذیلی لہجہ ہے۔
جیکب آباد، سکھر، کشمور، خیرپور، گھوٹکی، نصیر آباد، جعفرآباد تے جھل مگسی دے علاقیاں وچ سندھی سرائیکی الیندے ہن۔ کوٹ سبزل کنوں گھن تے رانی پور تائیں سرائیکی لوکل تے مقامی زبان ہے۔ اے لہجہ وی بنیادی طور تے ملتانی اچوں نکلے۔
بلوچستان دے ضلع بارکھان دا سرائیکی لہجہ ہے۔ بلوچستان اچ رائج تمام سرائیکی لہجے ملتانی دا ذیلی لہجہ ہن۔
جھنگوی سرائیکی: جھنگ، ساہیوال، پاکپتݨ، اوکاڑہ،تاندلیانوالا، کمالیہ، پیرمحل،پنڈی بھٹیاں، چنیوٹ، سرگودھا، منڈی بہاؤالدین،. بہاولنگر، تحصیل حاصل پور(ضلع بہاولپور)، فاضلکا تے سری گنگا نگر دے علاقیاں وچ جھنگوی سرائیکی الیندے ہن۔ ایں کوں ݙبھاری سرائیکی وی آہدے ہن۔ ایں لہجے وچ "ب" کوں "ٻ" ، "ج" کوں "ڄ" تے "گ" کوں ہمشہ "ڳ" ٻولیندے ہِن۔ تے "د" وی ٻُچکاری اواز نال الیندے ہن۔ سلطان ٻاہو، علی حیدر ملتانی، ریاض تے عابد تمیمی سرائیکی دے ݙبھاری لہجے دے شاعر ہن۔ ایں لہجے دے مزید ست لہجے ہن۔ ہر تحصیل دا لہجہ کُجھ نہ کُجھ وکھرا ہے۔
ضلع سرڳودھا دی ٻولی ہے تے ڄٹکی دا اہم ذیلی لہجہ ہے۔
رچنا باری دو آب دی ٻولی رچناوی ہے۔ اے راوی تے چنانہہ دریاواں دے وچلے علاقے دی ٻولی ہے۔
سابقہ ریاست بہاولپور دے ضلع بہاولنگر دی ڄٹکی ٻولی کوں ابھیچڑی آہدن۔ بہاولپور دی تحصیل حاصل پور دی ٻولی وی ایہا ہے۔
ضلع چکوال، پنڈ دادن خان، ڄنڈ تے کوہاٹ دے علاقیاں وچ وی سرائیکی نال رلدی ملدی زبان الائی ویندی ہے۔ ایں لہجے کوں اعواݨکاری یا اعواݨی یا چکوالی یا کوہاٹی یا دھنی وی اہدے ہن۔ شاہ مراد چکوالی دا ٻہوں وݙا شاعر ہے۔ ۔ پیلو چکوال دا شاعر ہے۔ علی محمد مسکین وی ایں لہجے دا شاعر ہے۔ایہ شمالی سرائیکی ہے۔ کوہاٹی سرائیکی دے چھی لہجے ہن۔ خوشحال ڳڑھ دا لہجہ، توگھ دا لہجہ، ٻلی تنگ دا لہجہ، کوہاٹ شہر دا لہجہ، وادی بوراکا دا لہجہ، شکر درہ دا کوہاٹی لہجہ، 1981 دی مردم شماری وچ ضلع کوہاٹ وچ چالہی فیصد کوہاٹی (سرائیکی) ہائی،
ݙاکٹر یونس ندیم، محمد جان عاطف، ریاض، انجم یوسف زئی تے سعد اللہ خاں کوہاٹی زبان دے ادیب تے کارکن ہن۔ کوہاٹی، چکوالی، تے اعواݨکاری لہجے آپس وچ ٩٠٪ سرائیکی نال٨٠٪ ہندکو نال٦٠٪ تے پنجابی نال٤٠٪ نال رلدے ملدے ہن۔ ایں سانگے ایہ سرائیکی شمار تھیندے ہن۔
شمالی سرائیکی دے چار لہجے ہن۔
١ـ اعواݨکاری،، تلہ گنگ، جنڈ
٢ـ کوہستان نمک،،. ونہاری،. کہونی،. وادی سون،. چکڑالہ
٣ـ دھنی
٤ـ کوہاٹی
بلوچستان دی جعفری تے کھیترانی، سوات دی آجڑی تے قندھار دی سرائیکی وی سرائیکی دے لہجے ہن۔
تفصیل کُجھ ایہ ہے۔
ہندوستان دیاں ترائے سو چویٹھ زباناں دے ہک جامع سروے جہڑا ١٨٩٤ کنوں ١٩٢٨ تک انڈین سول سروس دے افسر جارج گریرسن دی نڳرانی وچ لینڳیوسٹک سروے آف انڈیا تھیا ہائی اوندے موجب ایہہ آلیاں ٻولیاں سرائیکی دے لہجے ہن۔
Hindko, Hindku ہندکو ہزارہ
Jatki جٹکی۔ ساہیوال
Multani, Siraiki, Hindki, *بہاولپوریBahawalpuri ، لموچی، ریاستی۔ *مظفر گڑھ، ڈیرہ غازی خان ، شمالی بہاولپور، *مظفر گڑھ کی ہندکی جو یہاں بولی جاتی ہے
Pashawri پشاوری
This article uses material from the Wikipedia سرائیکی article سرائیکی زبان دے لہجے, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.