جاویدآصف
جاویدآصف پیشے دے اتبار نال پرائیویٹ سکول اچ مدرس ہے۔
کتاباں
جاوید آصف ہک شعری مجموعہ وساندر2015 وچ دستک پبلیکیشنز ملتان شائع کیتا اتے ہک لئی ہار نامی افسانوی مجموعہ جھوک پبلشرز ملتان توں 2016 وچ چھپیا وساندر دا ݙوجھا ایڈیشن دستک پرنٹنگ پریس تے چھپݨ سانگے گیا پیا ہا دسمبر 2017اچ چھپ تے آیا ہک ٻیا شعری مجموعہ"کھارے چڑھدی سک"مہینہ ݙو پہلے 2018ء اچ شائع تھئے اتے تحقیق دی ہک کتاب سرائیکی میتھالوجی دا مسودہ چھیکڑی مراحل اچ ممکن اے او وی 2018 اچ آونجے ݙو ہزار اٹھاراں وچ نہ چھپ سگیا تاں ݙوہزار انویہہ اچ ضرور شائع تھی ویسی ان شاء اللہ
نمونہ کلام
مکالماتی غزل
میں پچھیے کیا ساݙی یاری لڳ سڳدی اے
آکھیس کیوں نہ تیݙی واری لڳ سڳدی اے
میں آکھـیے تیں جان وی جیکر منگی ݙیساں
آکھیس تیکوں جان وی پیاری لڳ سڳدی اے
مــیں آکھــیے کے تاݨی تیــݙا رسـتہ بھـــالاں
آکھیس ݙیکھو زندگی ساری لڳ سڳــدی اے
میں آکھـیے کیا پیار اچ نکھڑݨ لازم ہـوندے
آکھیس مفتی کئی شے پیاری لڳ سڳدی اے؟
میں آکھیے ہتھ ݙیکھ ستارے کیا اہدے ہن؟
آکھیس تیکوں عشق بیماری لڳ سڳدی اے
آکھیم عشق اچ آخر کیا کجــھ وارݨا پوندے
آکھیس سر سودھی سرداری لڳ سڳــدی اے
آکھــیم کــئی تنقید آصف دی شــاعــری اتے
آکھیس کئی وی غزل معیاری لڳ سڳدی اے
قطعہ
اڄ توں ایہو گلشن دا وی قاعدہ جوڑیا ونڄے
سلا بھلا عاشقــــاں دا ہݨ دل نہ تروڑیا ونڄے
زیادہ نئیں تاں جیں ویلھے پھلیں دی چوݨی تھیوے
بلبل تے تتلی دا حصــــہ لازمی چھـــوڑیا ونڄـــے
قطعہ
حسین دی فکر سوچ ســاݙی دی سلطـنت اے
اساݙے آڑے اڄــــاں تئیں اونویں یزیدیت اے
اساں وی کسدے پئے ہیں ویلھے دی کربلا وچ
اساڈےپیریں تلے زمین اے نہ سر تے چھت اے
ݙوہڑہ
میــݙی ضـــد دا کیا ھــے دل جیلھــے تیݙی ڳــوری ڳــمدا رہ ویندے
تیݙے کــنڑس ݙو ݙیکھـمݨ نئیں ݙیندا میـݙے پیریں پمدا رہ ویندے
تیݙی ڳول اچ ݙینھ کوں میں بھمداں سر رات کوں بھمدا رہ ویندے
کئـی آصف اینجھـا روڳ تاں ھـے میکـــوں اندروں کھمدا رہ ویندے
غزل
جیت دا جھٹ سالیں دی ہار توں اتر منگدے
اوندا پیار ہر تو تکرار توں اتر منگدے
جیرھا وقت اتے پکرے او پتل سونا
ویلھے دا سو کئی ہزار توں اتر منگدے
اوندا پیار بہتر میریں جتنا ہوسی
کیا او میڈی ماء دے پیار توں اتر منگدے
اوکوں مڑکا مڑکا کر کیوں یاد کراں میں
جیرھا ہر اعداد شمار توں اتر منگدے
جیں دستار دی لوکیں جاݨ سنڄاݨ نہ ہووے
ننگا سر وی اوں دستار توں اتر منگدے
توبہ توبہ بھل اوندے لہجے دی تلخی
ہا دا ولدا وی انکار توں اتر منگدے
ٻئی کیرھی دربار تے ونڄ نئوں راتاں باہواں
تیݙا در تاں ہر دربار توں اتر منگدے
یوسف دیاں تعریفاں اپݨی جاہ تے بر حق
اے ݙیکھو کیا میݙے یار توں اتر منگدے
تیکوں ہار سنگھار کرݨ دی کیرھی لوڑھ اے
تیݙا حسن تاں ہار سنگھار توں اتر منگدے
جاویدآصف
غزل
کــــــنڑک رنگــــــے لوک جــــو ســاکوں رو ݙیندن
شـــک ناں او وی روٹــی دی خوشـــــــبــو ݙیندن
عشـــــق کــــݙاں ݙینـــدے کئــی موقع سوچݨ دا
عاشـــق تاں بھــــــاہ ٻلدی وچ کــــر دھــو ݙیندن
پیار ســــاݙے دی بھـــل بھــل تاں چو پاسوں ھے
کــــیا تھـــــیا جــــیکر میہݨـــے وی ہک ݙو ݙیندن
اوہــــے لــــــوک تاں ہـــوندن لائق پجیجـــݨ دے
جیرھے چپ تھیں چپڑئیں کوں گھنگھرو ݙیندن
ممکـــن ھــــــے ایں نال وی پراہ باکــــھ پــووے
جــــیرھــی حـــق دی بانگ ودے گبـــھرو ݙیندن
جاویدآصف
باہرلے جوڑ
حوالے
[[ونکی:سرائیکی شاعر]]
This article uses material from the Wikipedia سرائیکی article جاویدآصف, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.