جسمانی قُربت (انگریزی: Physical Intimacy) ہِک ونکی دی شہوانی نزدیکی یا ہَتھ نال محسوس کرݨ ہِے۔ اِیہ ہِک پہل یا رد عمل تِھی سڳدا ہِے، جین٘دے وِچ جذبیاں دا ݙُو لوکاں دے آپت وِچ عام طور تے اظہار کِیتا وین٘دا ہِے (جین٘دے وِچ یاری، افلاطونی پرِیت، رومانی پرِیت یا جنسی چِھکِیڄ دا اظہار رَلّا ہویا ہِے)۔ کہِیں دی نجّی وِتّھی، ہَتھ پَھدَّݨ، معانقہ، چُمّاں، پرِیت نال ہَتھ لاوݨ یا کوئی جنسی سرگرمی وِی اِین٘دا حِصّہ ہِے۔
جسمانی قربت، جنسی قربت دی پہل ٓلی کار تِھی تے وی اُون٘ویں دی اُون٘ویں ہِے اُوہ اِین٘ویں کائے نِھیں۔ اِین٘دے وِچ بݨیادی طور تے ہِک ݙوجھے دے نال پرِیت ہون٘دی ہِے، جین٘دے ڳَل لاوݨ تُوں گِھن تے ہَتھ پَھدَّݨ اَتے ہَتھ پَھدَّݨ تُوں گِھن تے صوفے اُتے لِٹاوݨ تئیں ہر شے رَلّی ہوئی تِھی سڳدی ہِے۔ مثال دے طور تے، ڄیکر تُہاݙا حیاتی ٻیلی تُہاݙی ڳِچّی اُتّے مالش کرݨ دی کوشِت کرین٘دا ہِے، لیکن تُساں اُون٘دے تُوں پرے تِھی وین٘دے ہِیوے تاں، اِین٘دے اُتّے غور کرو جو اِیہ ردّعمل کِتّھوں تُوں آن٘دا پِیا ہِے؟ آپݨے حیاتی ٻیلی دے نال رابطے اُتّے آپݨے وِچاراں اَتے اُون٘دے ردِّعمل اُتے بھال ݙیوݨ دی لوڑ ہون٘دی ہِے۔ اِین٘ویں اِی کہِیں وی بندے دا وَل وَل یا بغیر وجہ دے ٻیلی دی قربت کُوں اَن ݙِٹّھا کرݨ قربت دے بجائے مروّجہ رشتے وِچ کَلھیپا گِھن تے آ سڳدا ہِے۔
جدید دور وِچ پورھیے آلی حیاتی، ہر پاسُوں موجود موبائل فوناں دی ڳڄکار اَتے پیشہ ورانہ حیاتی دی وجہ کنُوں تُوں کئی پرنیوے شُدہ اَتے لیو اِن ریلیشن شپ دے جوڑیاں وِچ کَلھیپا پیدا تِھی چُکّا ہئی۔ ہِک تحقیق دے مطابق، 2020ء دی کورونا وائرس دی عالمی بِماری اَتے عالمی سطح دی جَن٘درا بندی دی پارُوں ٻہوں سارے جوڑے ہِک ݙوجھے تُوں ٻیا نیڑے تِھی ڳئے کیوں جو کاروبار ٹَھپ تِھی ڳیا ہئی اَتے موبائل فون دی ڳالھ مُہاڑ دا دور کُجھ حد توڑِیں موقوف تِھی ڳیا ہئی۔ تہُوں جَن٘درا بندی دے مُکَّݨ دے بعد اِیہ صورتِ حال وَلا پہلاں آلی کار تِھی ڳئی۔
This article uses material from the Wikipedia سرائیکی article جسمانی قُربت, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.