Iga Xalid Ayt Ṭṭalb (s taɛrabt: خالد آيت الطالب) amawsas n tdusi ɣ tmazirt n Lmɣrib zɣ usggʷas n 2019.
Ilul d ɣ usggʷas 1966 ɣ tmdint n Agadir. Yumẓ tadukturat nns ɣ tsdawit n tsnijjit d tsasfrt n tmdint n Rrbaṭ. Ig aprufissur n tasnijjit d urgaz n tsrtit amɣribi.
Xalid Ayt Ṭṭalb | |
---|---|
خالد آيت الطالب | |
Ifruritn | |
Talalit | 1966, ɣ Ugadir |
Tamazirt | Lmɣrib |
Tudrt tazzulant | |
Amawsas | Tamawast n tdusi |
Tawuri | Aḍbib, Aprufisor, Asrtan |
Ɣ usggʷas n 2009, iga Ayt Ṭalb amqqran n tnafut tagufusany (tanafut n uflay) ɣ ṣṣbiṭaṛ Ḥasan wiss sin ɣ tmdint n Fas.
Ɣ 2016, skrn gis anssixf n umulli n ṣṣbiṭaṛat n tmazirt n Lmɣrib.
Dat ad iɣʷi adɣar nns ɣ tamawast n tdusi zun d amawsas, iswuri gis Xalid Ayt Ṭalb zun d anflus amatay ɣ udɣar n Hicam Nnjmi.
Ass n 9 uktubr 2019, ɣ usati n yan usnfl unbiḍ, skrn ɣ Xalid Ayt Ṭalb amawsas n tdusi n tmazirt.
Itahl Ayt Ṭalb iṭṭf sin warraw.
Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t. |
This article uses material from the Wikipedia Taclḥit article Xalid Ayt Ṭṭalb, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.