Zinb Tanfzawt
Zinb illis n Isḥaq Tanfzawt (464/1072) tga sg tmɣarin timaziɣin ittawssann kigan, g uzmz n imṛabṭn dars tilal timqranin g usdus n isutar n uwank n lmuṛabiṭin g lmɣrib, uran fllas kigan n imzruyann n uzmz nns , inna fllas Bn Xldun: tga sg tmɣarin n umaḍal nna ttawssannin s ufulki d usnbḍ, tga sg tqqbilt n Nfzawa n imaziɣn n Ṭṛablus.
 Zinb Tanfzawt | |
|---|---|
| Tudrt | |
| Talalit | Aghmat, 1039 |
| Tutlayt taymmat | Tutlayin timaziɣin |
| Tamttant | 1117 |
| Tawja | |
| Itahl | Bubkr Almtan |
| Arraw nns | view
|
| Tiɣri | |
| Tutlayin | Tutlayin timaziɣin |
| Tawuri | |
| Tawuri | asrtay |
Tudrt nns
Tmmudda Zinb sg Nfzawa ar tiɣrmt n Aɣmat d babas Isḥaq Lhwari nna iwalan i tqqbilt n Hwwaṛa tamaziɣt lliɣ irur i Bani Hilal nna d itturksn sg miṣṛg uzmz n usnbḍ afaṭimi tlla gis aylliɣ ttuska tɣrmt n wamur n yakuc g 464/1072 .
Tga Zinb sg tmɣarin ittawssann kigan dar tqqbilt nns , slawan akkʷ lliɣ fllas illa unazaṛ afad ad stt akkʷ awin ,s usrag n ufulki nns izddign, inna fllas yan umzruyan mas tga ixf nns g yan uswir nna ur isɣawsan s ad stt ittr awd yan , tugi ad ttihl anbbaḍ n lmɣrib isrg as ma ann afad ad tt ig g unbiq .
Lliɣ tugi ad tawl ad fllas nnan mas txla nɣ d illa mad fllas ittinin mas dars tazdayt d wida ur ḍhṛnin nɣ d ljnun, yili mad ittinin mas ar tssmras tiɣawsiwin n txnnubas d ssiḥr .
Littihal nns
Assaɣ nna as gan, tamɣart n igldann, nna ittmmḍfaṛn f usnbḍ n aɣmat nna ittustayn kun asggʷas, aylliɣ tga tamɣart n unbbaḍ n aɣmat lqut lmɣṛawi, ar ttinin mas tiwl agldun bubakr bn ɛumaṛ nna issntan g usku n wamur n wakuc, lliɣ as illf yiwi tt Yusf Bn Tacfin nna igan amsku amaddud n wamur n yakuc, tg tnfzawt talli issdusn anbbad afad ad isku tiɣrmt ad, g 461 ismd asku nns g 463 sg ɣuṛ urgaz nns amaynu Yusf Bn Tacfin.
Nnan kra n imzruyann mas daɣ tahl tnfzawt s bubakr bn ɛumaṛ llmtuni , lliɣ tga lal n unlli d tlibit ifulkin kigan , izdaɣ ugldun bubakr g aɣmat mad ittggan kṛaḍ yirn .
Tamttant nns
Nfln isugam n usakud n tmttant n zinb tanfzawt,inna bn abi zaṛɛ mas tmmut g 464/1071, imgal dis umzruyan bn darɛi lliɣ inna mas tmmut g 469/1076, yini yan umrzu atrar mas tmmut tnfzawt g 472/1081 .
Isaɣuln
This article uses material from the Wikipedia Taclḥit article Zinb Tanfzawt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.