Tga Sla yat tiɣrmt illan ɣ tsga n Rrbaṭ-Sla-Lqnḍrt ɣ utaram n tmazirt n Lmɣrib.
Sla | ||||
---|---|---|---|---|
Lmɣrib | ||||
| ||||
Tamssugurt | ||||
Tamazirt | Lmɣrib | |||
Tamnaḍt | Tamnaḍt n Rrbaṭ-Sla-Lqnḍrt | |||
Tamnbaḍt | Salé | |||
Grande ville | Sla | |||
Ism aqqbur | سلا ⵙⵍⴰ | |||
Inigl asaway | 11000 | |||
Tajɣraft | ||||
| ||||
Tattuyt | 116 m | |||
Tdimuɣraft | ||||
Imzdaɣn | 850 403 n imzdaɣn (2014) | |||
Umlan yaḍnin | ||||
Akud adigan | heure normale d'Europe centrale | |||
villedesale.ma |
Tyawssnta tamdint n Sla f ufus n Bani Yafrn ɣ tasut tiss mrawt, tḍṛ ɣ ifassn i imṛabtin asggʷas n 1028. Tssɣ bahra tmsussu ɣ uzmz n Imwaḥḥidin (tasut tiss 11) d Imarinyyin (tasut tiss 14), s umntil n wansa lli ɣ tlla d uslallu nns lli igan yan wammas n tsbbabt gr Lmɣrib d Uṛubba.
Ɣ tasut tiss 17, slawan lliɣ d kcmn imuslmn d udayn da rwlnin ɣ Wandalus, tẓwr tmdint tazaykut aylliɣ akkʷ tlla tɣnnant gr as d Ṛṛbaṭ lli mu ism Sla tamaynut. Ɣ tasut tiss 19 d isggʷasn n usdurri tbdd tmajilt nns ɣ usays n tsbbabt, turri tg yan ubaraz n tussna d umsnkar amnid n usdurri.
Ɣmklli tga Sla tazaykut tissi n tussna taɛṛabt ula tandalusit, tga daɣ tissi n n tugtt n tawjiwin issugn ittyawssann, d imassann imqqrann, d imnkarn inamurn. Mayad akkʷ iga anagan f umzruy axatar n tmazirt n Sla.
Ar ittini usiḍn lli ittyuskar ɣ usggʷas n 2014 mas:
Tga yat taggurt tamzrayt imqqurn ɣ Lmɣrib, ibna tt ugllid Abu Yusf Yaɛqub Bn Ɛabd Lḥaqq gr asggʷas n 658/1270 d 668/1280. Amsdag lli ibddn f usnti ad ism nns Muhmmad Bn Ɛli zzɣ tamdint n icbilya ɣ Wandalus. Tiskt n taggurt ad trwas tasila n wayyis iṛẓan, anuṛẓm nns gis 9 mitru, taqiccit nns tattuy f wakal s 9,60 mitru.
Tlla ɣ iẓlmḍ n tagut n ugadir. Tettyawssan s lbrj yattuyn lli gis illan. Lbrj ad iga yadlli asɣim n unssixf Ɛbdlḥaqq Finnic (1738-1757). Taggurt ad iqqan d ad gis izri wanna iran amnid n tamdint n Sbta.
Taggurt ad mqqurn ttyawxla ɣ isggʷasn n 1960. Assaɣ nns ittyasy d ɣ ism n ugʷrram Sidi Bṛahim Buḥaja Arrundi ɣ Wandalus.
Ittyawssan s wassaɣ n Bab Ɛntr d Bab Lfṛṛn, d usakʷn n sslaḥ gis illan. Ibna t ugllid Abu Yusuf Yaɛqub Bn Ɛbdlḥaqq Lmarini ɣ 1261.
Taggurt ad ttyawssan s tmsdagt nns iẓiln, tattuy s smmus id mitru.
Ttyawssan Sla s tugtt n tɣmrin d wammasn n igʷrramn d imṛabṭin, zun d asmḍl n ugʷrram Sidi Ɛbdllah Bn Ḥssun lli d kttin mddn ɣ unmuggar n ukabaṛ n tsafutin. D ugʷrram Sidi Aḥmad Bn Ɛacir lli ittyawssann s usujji n imuḍan. Tiɣmrin d tsmḍal ad munnt bahra ɣ kṛaḍ wammasn : Ṭṭalɛa d znata d lblida. Ɣ uzmz n Imariniyyin ktrnt bahra tɣmrin ad slawann akkʷ lliɣ ibna Abu Alḥasan tinml tamariniyt asggʷas n 1340, ula atig lli ifka i tmzgid n Almasjid Alaɛḍam, ar t inn ttɣawaln imassann d inbḍitn zzɣ kaygann tisggiwin.
Ɣmkann ula ɣ Bab Ḥsayn, lliɣ ggutn t tsmḍal n igʷrramn lliɣ akkʷ ibna tinml lli d yurrin tg asgnaf/maristan. Ṭṭlɛa d nttat ggutn gis imṛabṭin d igʷrramn, zun d : Sidi Muḥmmad Mfḍḍl 1071, d Sidi Aḥmad Ṭṭalb 1072, d Sidi Aḥmad Ḥjji 1103, d iwis Ɛbdllah Ljazzar 1122, d Lḥsn Lɛaydi 1131. Ilin wiyyaḍ ɣ bṛṛa n ugadir n Sla, zun d tasmḍlt n Sidi Bllɛbbas 540 / 1145, d Abu Musa Addukkali lli immutn asggʷas n 550. Ɣ tazwarit n tasut tis19 tugt n tɣarasin n uṣuwwf ssfrurnt ɣ Sla zun d zzawiya tthamiya ɣ uzmz n Sidi Muḥammad Bn Ɛabdllah, d zawiya Ddrqawiya, d zzawiya Alkttaniya lli ibna Sidi Muḥammad Bn Ɛbdlkbir Lkttani asggʷas n 1902.
Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t. |
This article uses material from the Wikipedia Taclḥit article Sla, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.