Ayfs: Anaw n waddagn

G tasnmɣayt ,ayfs iḍfuṛ i yat tawja n waddagn g illa uggar n 50 n wanaw n taddagin igan id mṛẓgli (ur ittmtatn) izgzawn bdda.

Ayfs
Tasnsartut
Tagldit	Plantae
Asmil	Pinopsida
Anmala	Pinales
Tawja	Cupressaceae
Ddu-tawja	Cupressoideae
Anaw	Juniperus Linnaeus, 1753

Ayfs dars iẓuṛan sg Marikan, Tafriqt, Asya d Uruppa, taddagt ad ar tlkkm g tiddi sg 4 ar 15 mitru, ilin kra n wanawn n wayfs ilkkm ar 25 nɣ 30 mitru.

iẓẓḍaṛ wayfs a ilkm g tudrt ns ar 1 000 n usggas.

G tmaziɣt, assaɣ ad "Ayfs" iga assaɣ n wanaw n waddagn, ilma ili assaɣ n taddagt (yat taddagt) "Tayfst" :

Taddagt : Tayfst

Anaw n waddagn : Ayfs

Ayfs iga yat taddagt ilan atig dar igrikn d iṛumin iqqburn, ar ssufuɣn zzit sg yan wanaw n wayfs, ar ssrɣan akccuḍ ns arigg sgis tffɣ zzit. Anaw ad n zzit ar sis truccun willi immutn.

G tizikt, middn iqqburn ar skarn sg wayfs Panaṣya (takuct n usafar g tamiṭulujit tagrikt), lbxuṛ ns ar tnqqant tafgga n ufgan, aman ns (maḥya n wayfs) ard ssufuɣn ibẓḍan sg ufgan.

Ar ttini yat tuxrift mas wanna iɣbbin aqqa n wayfs kudd ass ur jju ra iṭṭaḍn.

•  
  Ayfs da sg ad ssufuɣn iṛumin d igrikn zzit

Assaɣ ussnan n wayfs "jeniperus" ikkad tutlayt talatint tazaykut (ili wassaɣ ad ula dar iṛumin).

•  
  Agummu, ifrawn d ilɣiwn n Wayfs
•  
  Tilɣit imẓẓin n wayfs f ufasi
•  
  Yan wanaw n wayfs
•  
  Taddagt imqqurn n wayfs
•  
  Anaw n wayfs acinwi
•  
  Anaw n wayfs
•  
  Ayfs n ifiniqn
•  
  Ayfs n ifiniqn
•  
  Taddagt n wayfs

Ayfs gis tugt n wanawn n waddagn, kudd anaw dars tasnalɣa ns. Amzaray ingr anaw d wayyaḍ illa g tiddi, tasnalɣa n ifrawn d aklu n ifrawn :

• Tiddi : illa wayfs da igzzuln (tiddi ns tga sg 4 ar 5 mitru), ili wayfs da iɣzzifn (tiddi ns tga sg 25 ar 30 mitru).
• Tasnalɣa n ifrawn : illa wayfs da iskrn ifrawn gan zund isnnan, ili wada m ur gin ifrawn zund isnnan.
• Aklu n ifrawn : illa wayfs mi gan ifrawn izgzawn (azgzaw iqqn), ili wayfs mi gan ifrawn umliln issudan s uzgzaw.

•  
  Tasnalɣa n wayfs
•  
  Tasnalɣa (anawn) n ifrawn n wayfs

Ayfs izzḍaṛ a iddr s imiqq nɣ s tugt n waman, g tmizar ikrmn nɣ tida ur bahra irɣan. S tɣarast yaḍni ayfs izzḍaṛ a izdɣ g tazɣlt illan ingr -45°Silsyus ar 30°Silsyus .

• Mṛẓgli : immortel
• Tasnalɣa : morphologie
• Tizikt : antiquité