ابڙو مظهر ڪهاڻيڪار، ناول نگار، ٽي وي ڊراما ليکڪ ۽ شاعر ھو. مظهر ابڙو ولد منظور حسين ابڙو 25 اپريل 1971ع تي خيرپور جي تعلقي ڪنگري جي ڳوٺ ڪولاب جيئل ۾ پيدا ٿيو. هن ابتدائي تعليم ڪولاب جيئل جي پرائمري اسڪول مان، مئٽرڪ ميرپور ماٿيلي مان، بي. اي. ڊگري ڪاليج خيرپور مان، ايم. اي. (سنڌي ۽ ايڪنامڪس) شاھ عبداللطيف يونيورسٽي، خيرپور مان ڪئي. پيشي جي لحاظ کان ڪاليج ايجوڪيشن ڊپارٽمينٽ، سنڌ ۾ سنڌيءَ جو پروفيسر ھو. سنڌ جي ڪهاڻيڪارن ۾ سندس شمار سٺن ڪهاڻيڪارن ۾ ٿئي ٿو.
سندس علمي پورھئي جي ڪري هُو ڪيترائي ايوارڊ ماڻي چڪو آهي، جن ۾ پاڪستان اڪيڊمي آف ليٽرس، اسلام آباد جو شاھ عبداللطيف ڀٽائي (رح) قومي صدارتي ايوارڊ ۽ ڪيش پرائيز، سچل سرمست يادگار ڪاميٽي ۽ ثقافت کاتي سنڌ جو سچل سرمست (رح) ايوارڊ، ماھوار نئين زندگي پريس انفارميشن ڊپارٽمينٽ، حيدرآباد جو شاھ عبداللطيف ڀٽائي رح ايوارڊ، سنڌي ادبي سنگت جو ’نسيم کرل‘ ايوارڊ، ماهوار ’سوجهرو‘ ڪراچيءَ جو بهترين ناول نگار ايوارڊ ۽ ٻيا ڪيترائي ايوارڊ شامل آهن.
سـنــدس ڇپيل ڪتابن ۾: (1) ڌرتيءَ تي وکريل ٽانڊا (ڪهاڻيون) (2) خُواب - کوٽا سِڪا (ڪهاڻيون) (3) جيون- اجاڙ رستا (ناول) (4) سرد خاني ۾ رکيل خُواب (ڪهاڻيون) (5) درد جي آس پاس (شاعري) (6) خوابن جو سفر (ناول/ڪٿا) (7) سڪل نديءَ جا نشان (ڪھاڻيون) شامل آهن.
مظھر ابڙو جُونِ 16, 2009 ۾ سنڌي وڪيپيڊيا تي تمام ٿورڙي ڀاڱيداري پڻ ڪئي ھئي.
مظھر ابڙو 25 مارچ 2024ع تي وفات ڪئي.
.
This article uses material from the Wikipedia سنڌي، سندھی ، सिन्ध article مظهر ابڙو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.