جعفري قبيلو: قبيلو
جعفري ھڪ بلوچ قبيلو آھي جيڪي جيڪب آباد ڪنڌڪوٽ شڪارپور ۽ سکر ۾ ڪثير تعداد ۾ رھن ٿا؛ تاريخي حوالي سان سندن بزرگن کان ٻدايو وڃي ٿو تہ ھارون خان جي سربراهي ۾ لڳ ڀڳ 1760ع ۾ مير نوري نصير خان والي قلات جي دؤر حڪومت ۾ ڪڇي جي علائقي ڀاگ ناڙي ۾ رهندا هئا جتي مير نوري نصير خان والي قلات ڪجهه زمينون بہ بطور جاگير عطا ڪيون ڪافي عرصو رھڻ کانپوءِ ڪڇي جي علائقي ۾ حڪومتي ڇڪتاڻ وڌي وڃڻ جي يا ڪنهن خشڪسالي جي ڪري سنڌ ۾ رھڻ جو ارادو ڪيو ھي مال مويشي ڪاھيندي اچي ڪنڌڪوٽ جي ڀرسان چاڪر خان سھرياڻي جي پاڙي۾ رھيا ان وقت سندن سربراھ ھارون خان جو پٽ قيصر خان ھو ،ھارون خان ڪڇي جي علائقي ۾ ئي فوت ٿي ويو ھو ، قيصر خان جي چاڪر خان سھرياڻي سان مھري (اٺ) جي معاملي تي ڪشيدگي پيدا ٿي، چاڪر خان سھرياڻي قيصر خان جعفري جي گھرن تي رات جو حملو ڪرايو ، قيصر خان سميت جيڪي گھرن ۾ جوان مرد موجود ھئا سڀ قتل ٿي ويا گھرن ۾ ڪمسن ڇوڪرا ۽ عورتون بچا ، اتفاق سان قيصر خان جو ڀاءُ دائود خان گھر ۾ موجود نہ اھو بہ بچي ويو جڏهن دائود خان گھر موٽي آيو تہ ڏاڍو دل شڪستو ٿيو ۽ اتان لڏي اچي تنگواڻي جي ويجھو بھار نندواڻي جي ڀر ۾ ويٺو بھار نندواڻي ھن سان ڏاڍي ھمدردي ڪئي پوء بھار نندواڻي ھن کي چيو تہ تون پنهنجي قتل ڪيل مڙسن جو پلاند وٺي اچ ھتي مان تنھنجي پوري مدد ڪندس ، پوءِ جڏهن دائود خان جا ننڍا پٽ ڀاٽيا جوان ٿيا تہ سھرياڻين کان پنھنجي قتل ٿيل مڙسن جا پلاند بہ ورتائون ۽ نندواڻين سان سڱن جي ڏي وٺ ڪري پاڻ ھڪ ٻئي جا پلاند شريڪ ٿيا، ۽ بليدي سردارن جي سرداري ۾ رھڻ جي ڪري بليدي سڏجڻ لڳا ، ھن وقت بليدڪار ۾ رھندڙ جعفرين جا 11 پاڙا آھن ، 1 ھوران زئي 2 موران زئي 3 پيرلي زئي 4 عيدواڻي مٿيان چار ئي پاڙا دائود خان جي اولاد مان آهن 5 ميران زئي 6 ڪوڙاڻي 7 جمالاڻي 8ڪيھراڻي 9 صلاحدياڻي 10 ڦيرياڻي 11 لالاڻي.
ھرھڪ پاڙي کي پنھنجو مقدم بہ آهي، موجوده چيف مقدم عزيزالله خان آهي، جيڪو پيرلي زئي پاڙي سان تعلق رکي ٿو ،
This article uses material from the Wikipedia سنڌي، سندھی ، सिन्ध article جعفري( قبيلو), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.