Cercamu persune de lu Salentu ntirissate a scrìvire artìcule, crande o pìccule, 'n salentinu per lu nosthru pruscettu nciclupèdicu Wiki Sicilianu. Putete scrìvire quiddhru ca vulete (per esempiu l'artìcule subbra le cumune salentine). Ma per favure, lasciate una thraduzione de le parole diffìcile e ndicàte la pruvenienza de la parlata salentina usata. Nun mporta se sete leccisu, brindisinu, o tarandinu, sempre salentinu sete! Crazie. |
Nove, paru cu Cullimituca li cujuni mentano e Santa Barbara, ede 'na frazione de u comune de Galatina, de a pruvincia de Lecce.
Ste a 78 m. susu u mare, a 2 km a sud de lu comune de Galatina.
Lu nome, forsi, deriva de lu latinu "domus novae" (case nove). Versu lu 500, infatti, li Barbari distrussera tuttu u centru, e pe qquistu zzaccara ccostruiscanu tuttu de capu mesciu, e de quuai un nome Nove.
Avenu cchiu' tteorie su ll'origine de lu nome sou in italianu. U primu nome sou, su documenti e mappe geografiche de lu passatu era Noe, ma avenu puru addhri documenti ndu la chiamanu Noia.
Put'essere ca ave pijatu lu nome de Noha de l'antica famija feudataria de li De Noha de Lecce, ca stìanu qquai già de lu 1253.
Fonti 'ncora cchiu' antiche usanu puru u nome de Noia, forsi de la parola medioevale "novia", ca significa zone palustri.
Addhri dicenu ca deriva de la parola greca "noe", vidire, forsi pe lla posizione bbona de la città, ca ste cchiu' erta rispettu allu territoriu ca la circunda.
Secondu u professore R. Franchini de Novuli, vistu ca prima era tradizione cu cchiamanu li villaggi cu lli nomi de li santi, intornu allu seculu IX, inciu a Terra de Otrantu zzaccau sse difonda la devozione pe lla Madonna de Costantinopoli, "S. Maria Novae Odegitriae", abbreviatu "Santa Maria Novae", e de qquai Noe.
Put'essere ca li nobili De Noha, ca tenìanu a baronia loru qquai, hannu ggiustatu "Noe" cu llu cognome loru.
U Comune de Galatina, dopu ci sia pijatu tutte le terre de Nove, l'ave fatta frazione e li mise ufficialmente u nome de Noha.
A Chiesa Madre, ca ede dedicata a San Michele Arcangelu, fue costruita ne u 1901, susu nna struttura ca già esistìa de prima. De li documenti se potenu capire le fasi de la chiesa. La prima struttura ave dd'essere de lu seculu XV; fue rifatta poi u seculu dopu, e n'addhra fiata ne u seculu XVII, 'ntorna ne u 1857 e l'urtima fiata ne u 1901.
Cuardannula de fronte, se vide lu portone e lu rusone centrale addhu ste misu lu stemma de Nove, ce tene tre torri cu nna curona de susu. Inciu avenu tre navate divise de pilastri, cu, alli lati, do' altari barocchi de pietra leccese de lu seicentu. Uno ede dedicatu a San Michele, l'addhu alla Maddonna 'mmaculata. Avenu puru addhre opere d'arte, comu le tele de l'Immaculata, de la Madonna de lu Rosariu (primu decenniu de lu '600), de la Madonna de Custantinopuli e de Santu Vitu (1721).
Inci'alla chiesa avenu puru conservate le reliquie de quarche santu, tutte cull'autentica loru: Santu Filippu Neri, Santu Biagiu, Santu Pasquale Baylon, Santa Lucia, Santa Liberata, Santu Bonaventura, Santu Camillu de Lellis, Santu Domenicu de Guzman, Sant'Albanu de Magonza, Santu Quintinu, Santu Vincenzu Ferreri. Santu Nicola vescuvu, Santa Teresa e Santu Gerardu Maiella. Stanu conservate puru le reliquie de l'abitu e de lu velu de la Madonna.
La Masseria Colabaldi, ca ste nnanzi all'ingressu nord venendu de Galatina, ede na masseria antica de lu 1595, come se legge de la data 'ncisa su u pruspettu principale. Fue costruita de lu conte Nicola Baldi, ca ccattau na proprietà de li Basiliani. Mentre sta lla costruìanu, unièra quiddhru ca rimanìa de la chiesa e de lu conventu de Santu Teodoru distrutti de li Turchi ne u 1480.
Se pote vidire ca ìa na chiesa, utilizzata pe seculi comu na staddhra, de nu fanesciu a croce greca e de n'arcu crande. De coste 'lla chiesetta ave lu Conventinu de li Basiliani, ndu ncora se potenu vidire li resti de le stanziceddhre pe lli monaci. L'angulu cchiu' a nord de la mmasseria tene mura de ddo' metri: e' probabile ca prima de lu conventu ìa na torre de presidiu rumanu.
U Castellu o Palazzu Baronale ave dd'essere de lu seculu XIV. Fue costruitu de la famija baronale de li De Noha, ca abitara qquai finu allu seculu XVIII. Pocu rimane de la struttura antica, vistu ca, 'ntornu ll'Ottucentu tuttu u ppalazzu fue trasfurmatu a na mmasseria.
A torre medievale, ca ste inciu u sciardinu rretu u castellu baronale, servìa comu avvistamentu e difesa. A torre tene pianta quandrangulare, tene do' piani ca rrivanu alli 10 metri de altezza. Fatta de cuccetti de tufu, susu ttuttu se pote vidire na decorazione de archetti moltu elegante.
This article uses material from the Wikipedia Sicilianu article Nove te Galatina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.