Hominidae: Famigghia di l'òrdini dî Primati, chi cumprenni scimî granni e macari l'Omu
Li Hominidae, (ominidi n lingua parrata) sunnu na famigghia di primati ca arrisàlunu ô Miòcini nfiriuri, ca raggruppanu li speci comu l'òmu, lu scimpanzé, lu bonobu, lu gurilla o l'orangutan.
Nzemi a li Ilobatidi (gibbuni e siamanghi) custituìscinu la super-famigghia di l'Ominòidi, chiamati puru granni scimii o scimii antropumorfi.
Classificati di Gray ntô 1825, cci s'attrovanu puru certi speci di primati astinti, comu li vari speci di australopitecu.
Tutti li speci appartinenti â famigghia di l'Hominidae hannu n cumuni tra lu 97% e lu 98% di codici ginèticu e hannu nu antinatu cumuni ca pi li scimpanzé è di 5 miliuna di anni fa, e pi li gorilla è di 7 miliuna di anni fa, nu tempu ca è assai nicu rispettu ê tempa di l'evoluzzioni.
Tutti li speci sviluppanu n'urganizzazzioni chê sò simili nti na forma di sucialitati n brancu, cu gerarchìi di tipu umanu. Certi speci, comu lu scimpanzé, lu gorilla e lu bonobu ammùstranu quarchi capacitati di linguaggiu.
This article uses material from the Wikipedia Sicilianu article Hominidae, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.