Articulu in nugoresu
Yandere (ヤンデレ?) est unu faveddu giapponesu chi inditat un'istereotipu de pessone durche in apparentzia, ma chi a pustis si irbèlat ossessionàu dae sa pessone (a su solitu s'ammoràu/-ada) chi li ponet in fattu. Unu pessonazu chi a primu si ammustrat timidòsu e birgonzòsu, ma a su matessi tempus est capassu de una zelosìa furiosa e biolènta contr'a sos chi li dàen infadu, siat s'ozettu de passione carinnòsa o un'atteru, fìntzas a arribare a su puntu de uchìdere, siat atteros siat issu etottu.
Su faveddu naschit dae sas paragulas "yanderu" (病んでる?) e "deredere" (デレデレ?). "Yanderu" si podet bortare in sardu comente "malàbidu", mentras "deredere" comente "ammoràu meda". "Yanderekko" est su lùmen chi inditat una femmina chi tenet una pessonalidade yandere.
A differentzia de su faveddu "tsundere" chi est tottu s'imbèsse de "yandere", custu faveddu est pro su prus misconnottu in foras de su Giappone, ca l'an imbentàu dae pacu tempus. Su vocabulu "yangire" (ヤンギレ?) serbit a inditare unu pessonazu yandere chi irbelat s'aspettu prus pacu durche e oscuru de sa pessonalidade sua.
This article uses material from the Wikipedia Sardu article Yandere, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.