Articulu in logudoresu
Su latinu est una limba morta chi fit naschida in s'antiga Roma e fit faeddada in totu s'imperu romanu. Finas a su XIX seculu est istada sa limba internazionale impidada in tota s'Europa pro sa diplomazia e pro sas publicatziones iscientificas.
Dae su latinu sunt naschidas sas limbas romanzas, chi sunt s'italianu, su frantzesu, s'ispagnolu, su portughesu, su catalanu, su sardu, su romunu e medas influentzias s'agatant puru in s'inglesu e in su tedescu.
Su latinu est una limba itàlica, e, antiguamente dialetu de su Làtziu. Sas primas testimonias parent bìdere chi su latinu a sa fundatzione de Roma non fiat che oe. Iscritziones comente su Lapis niger nos lu dimustrant. A pustis sos romanos ant conchistadu diversos territòrios e su latinu s'est evòlvidu e s'est isparèssidu in s'Europa meridionale e in s'Àfrica de su Nord. Cun sa ruta de s'Impèriu romanu su latinu s'est dissòlvidu e sunt nàschidas sas limbas romànicas
Su primu innetu de latinu bèciu iscritu est unu rètulu in una broscia de su VII securu a.C., chi narat in latinu classicu "Manius me fecit Numerio" (Manio m'at fatu pro Numerio). Su primu a iscriri literatura in latinu fut Livio Andronico in su 240 a.C., sighiu dae Nevio e Ennio. In su II sèculu incumenzat a nasci su triatu cun is commèdias de Plauto e Terenzio.
This article uses material from the Wikipedia Sardu article Limba latina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.