Willy Brandt (Lubeca, 18 nadale 1913 comente Herbert Ernst Karl Frahm-Unkel, 8 santugaìne 1992) est istadu unu polìtigu alemannu de fide democràtiga-sotziale.
Dae su 1957 a su 1966, fiat istadu sìndigu de Berilinu, dae su 1966 a su 1969 ministru federale de sos afares isternos e bitzecantzilleri de su gabinete de Kiesenger e, dae su 1969 a su 1974, su de bator cantzilleris de sa Repùbriga Federale Alemanna. Pro sa polìtiga sua orientada chirru a estu, chi teniat sa finalidade de mezorare sas relassiones cun sos paìses de s’Europa levantesa, aiat retzidu su prèmiu Nobel de sa paghe in su 1971.
Dae su 1964 a su 1987, Brandt fiat istadu presidente de su SPD e, dae su 1976 a su 1992, presidente de s’Internassionale Sotzialista.
S’abioportu nou de Berilinu, chi diat dever esser abertu in intro de un’annu, at a zugher su nùmene suo.
This article uses material from the Wikipedia Sardu article Willy Brandt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.