Articulu in logudoresu
Rafael Caria (S'Alighera, Sardigna, 1941 - 9 de abrile de su 2008) est istadu unu filologu e poete sardu de s'Alighera.
In sos annos Setanta, est istadu unu de sos protagonistas de su movimentu in tzittade pro su saligheresu, comente attivista in intro de sa Lega per l'attuazione dell'articolo 6 della costituzione italiana, prataforma pro su reconnoschimentu in Italia de sos deretos de totu sas minorias limbisticas. In custa atividade, traballende in sa cumpanzìa aerea Alitalia, at detzididu de annuntziare sos bolos de s'aeroportu de s'Alighera in cadelanu saligheresu e in sardu. Custu seberu li at fatu sighire atziones repressivas dae parte de s'impresa. Caria est istadu politicamente ativu a primu in su Partidu Comunista Italianu (PCI) e a pustis in Sardenya i Llibertat (Sardigna e Libertade), partidu indipendentista de manca chi at donadu su contributu a fraigare, e in custu tempus est istadu unu de sos primos a chistionare in saligheresu in cunsizu comunale. Autore de paritzos istudios de lessicografia e toponomastica, poete fentomadu in campu limbisticu cadelanu, fit istadu unu de sos editores de s'annuariu academicu Revista de l'Alguer. In su 1999, at pigadu sa Creu de Sant Jordi (Rughe de Santu Jorghe) sicomente aìat gherradu meda pro su cadelanu de s'Alighera. In su 2006 l'ant fatu membru de sa Secció Filològica de l'Institut d'Estudis Catalanss (Setzione Filologica de s'Istitutu de Istudios Cadelanos) comente espertu de toponomastica e lessicografia saligheresa, su primu saligheresu e sardu a nde faghere parte. Est bennidu a mancare duos annos a pustis, in su 2008.
This article uses material from the Wikipedia Sardu article Rafael Caria, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.