Articulu in nugoresu
« O'zapft is! (Istuppàda est!) » | |
(Fràsia chi dàet cumìntzu a sa festa) |
Su Oktoberfest (Festa de Capidànne, in tedescu bavarèsu a s'ispìssu d' Wiesn ) est una festa populàre chi si tènet cada annu in Monacu de Baviera (München), in Germania, a sos ùrtimos dùos accàbbos de chìda in Capidànne e in su prìmu de Santu Gabìne. Est s'avvenimèntu prus fentomàu de sa tzittàde, in prus de èsser sa fiera prus de impòrtu pèri su mundu, chin ses miliònes de zènte chi bi accùdit dòntzi annu e chi, in su 2011, fìn bèlle sète miliones chind unu cossùmu de 7,5 broccàles de birra. Su sutzèssu est gòi mannu, chi fìntzas in atteras tzittàdes pèri su mundu commo si tènet "unu" Oktoberfest.
A chìrriu de Theresienwiese, chin 42 ettaros de istèrria, si ammanìzan unu luna park mannu e sos stand (Festzelte) in ube si pòden buffàre sas ses birras istòricas de Monacu de Baviera (est a nàrrer, Paulaner, Spaten, Hofbräu, Hacker-Pschorr, Augustiner e Löwenbräu). Cadaùnu de sos 14 stand prus mannos est capàssu de bi tènner in intro prus de 5000 pessònes, fìntzas a nde pòder collìre 10.000; in cada stand bi at unu palcu tzentràle in ube sònan sas bandas musicales in s'istìle tradissionàle schlager.
Sa festa cumìntzat chin sa tzerimònia de istuppadùra de sa cupa, chi Eurovisione trasmìttit, e chin sa protzessiòne tradissionàle.
This article uses material from the Wikipedia Sardu article Oktoberfest, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.