Nou Galles De Su Sud

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

147°E / 32°S 147°E-32; 147

Su Nou Galles de su Sud (in inglesuː New South Wales, in sigla NSW), est un'istadu de s'Austràlia cun capitale Sydney. Est postu in sa parte sud-orientale, làcanat a sud cun su Victòria, a norte cun su Queensland, a ovest cun s'Austràlia Meridionale e a est si ghetat in s'Otzèanu Patzìficu (Mare de is Coraddos e Mare de Tasman). Incluet fintzas s'ìsula de Lord Howe, in su Patzìficu meridionale. A s'internu de su territòriu sunt presentes duos enclaves: su Territòriu de sa Capitale Australiana e su Territòriu de sa Baia de Jervis.

Sa colònia de su Nou Galles de su Sud fiat istada fundada che colònia penale britànnica in su 1788; cumprendiat in orìgine prus de metade de sa terramanna australiana e in su 1825 teniat che a làcana otzidentale su de 129 meridianos estos. Sa colònia cumprendiat fintzas is territòrios insulares de sa Noa Zelanda, de sa Terra de Van Diemen, de s'Ìsula de Lord Howe e de s'Ìsula Norfolk. Durante su de 19 sèculos, parte de su territòriu de sa colònia fiat ischirriadu pro costituire colònias britànnicas separadas, chi a sa fine diant costituire sa Noa Zelanda e istados e territòrios vàrios de Austràlia. Sa Colònia de Swan River no est istada mai amministrada che a parte de su Nou Galles de su Sud.