Articulu in logudoresu
Zenzile Miriam Makeba (Johannesburg (Sudàfrica), 4 de martu 1932 – Castel Volturno, 28 de santandria 2008) est istada una cantante e attivista pro sos derettos ziviles sudafricana.
Sa carriera professionale sua fit cominzada in su 1950 cun su grupu de sos Manhattan Brothers, poi aiat fundadu unu grupu sou The Skylarks e cantaiada cantones chi fini una miscela fra su jazz e sa musicas traditzionales de su Sudàfrica. In su 1959, si fit esibida in su musical King Kong a fiancu de Hugh Masekela, chi poi fit diventadu su maridu. Sempre in cuss'annu aiat fattu una essida in d'unu documentariu anti-apartheid Come Back, Africa de Lionel Rogosin e s'annu poi fit istada invitada a su Festival del cinema di Venezia; una olta arrivida in Europa aiat dezisu de non torrare in Sudàfrica. Gai si fit trasferida a Londra, inue aiat connottu Harry Belafonte, chi l'aiada agiuada a si trasferire in sos Istados Unidos. In America aiada incisu meda de sas cantones suas pius famadas, comente Pata Pata, The Click Song ("Qongqothwane" in limba xhosa) e Malaika.
In su 1966 Miriam Makeba at rezidu su Grammy pro sa mezus incisione folk pro s'album An Evening with Belafonte/Makeba, realizzadu umpare a Belafonte. In s'album fin trattados jaramente temas politigos contra a s'apartheid. In su 1963 aiat fattu sa propria testimonianzia a su comitadu contra a s'apartheid de sas Natziones Unidas. Su guvernu sudafricanu aiat rispostu cundannende·la a s'esiliu e ponzende a banda sos discos suos.
This article uses material from the Wikipedia Sardu article Miriam Makeba, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.