campidanesu · logudoresu · nugoresu
Istadu satèllite est un'agetivu peorativu chi si dat in polìtica internatzionale a cale si siat Istadu chi, mancari numenalmente indipendente e reconnotu dae àteros istados pares, in sa pràtica s'agatat sugetu a su domìniu polìticu o ideològicu de un'àteru, in generale una potèntzia. Paris a su chi acontesset cun trèmenes simigiantes comente Istadu buatone, sa catalogatzione de un'Istadu comente satèllite est cunsiderada partidista e pròpia de sos isfamadores de is guvernos chi ddos ghiant.
Su trèmene, analogia de is corpos tzelestes chi orbìtant a ròdiu de unu prus mannu, fiat istadu a conìmintzu primas usadu dae s'imprenta otzidentale pro si refèrrere a is paisos de su Patu de Varsàvia pro sa relatzione istrinta issoro cun s'Unione Soviètica durante sa Gherra Frida. Àteros Istados sotzialistas, comente Corea de su Norte (susetotus a pustis de sa Gherra de Corea) o Cuba (mescamente a pustis de s'integrare in su COMECON) puru fiant istados in carchi momentu catalogados «satèllites sovièticos». Pro parte sua, s'imprenta de su campu sotzialista de costùmene usaiat definitziones de càlibru simigiante pro si refèrrere in istados capitalistas perifèricos e a is alliados de sos Istados Unidos in sa NATO, contraparte de su Patu de Varsàvia. Aici, tantis s'imprenta de sa Repùblica Democràtica Tedesca comente sa de àteros paisos sotzialistas, si referiat a fatu·fatu a sa Germània Otzidentale comente unu guvernu buatone de sa NATO e de sos Istados Unidos.
This article uses material from the Wikipedia Sardu article Istadu satèllite, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.