Articulu in nugoresu
Demon's Souls est unu videojocu de rolu (action RPG) chi From Software e SCE Japan Studio an isvilupau e prubicau in Giappone in su 5 de frevarju de su 2009, in s'America de su Nord in su 6 de Santu Gabine de su 2009 e in Europa in su 25 de lampadas de su 2010. Est su sichidore de King's Field.
Su jocu còntat s'istoria de Re Allant de XII, chi at tèntu su potere de sas animas e las at isfruttàdas pro battìre prosperèsa manna a Boletaria, su regnu suo de su Nord , fìntzas a cando una àrtana carca si istèrret pèri sas terras, abbandiànde su regnu dae sos atteros de foras. Parìtzos òmines an chircàu de colàre in sa néula, chène bi torràre mai prus; unu ebbìa, Vallarfax de sas Sànnas Ghermànas, bi l'at fatta comunicànde a su mundu sa situassione diffitzile de Boletaria.
Re Allant de XII ch'at pesàu dae su sonnu eternu a s'Anticu, sa frèa mala de su Nexus e, chin s'àrtana tuccànde a innàntis semper de prus, ch'essìn a foras dimònios chi sun famìos de animas. In Boletaria sìche pèsat un'abbolòttu: a sa zente li bènit furàda s'anima e, ammacchiàndesi, ucchidìat sos chi non che fin galu rùttos a s'epidemìa; cada dìe chi còlat, sos dimonios sun semper prus fortes pro dontzi anima chi divoràban.
Gòi nàschit sa paristòria de Demon's Souls, sas animas de su Dimòniu, una paristòria chi còntan dae seculos.
This article uses material from the Wikipedia Sardu article Demon's Souls, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.